السلام عليكم



بعض من الجديد
لعله يجمل




[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لاتذكرني بحبك تزيد الضيق ضيق=وش بقا لاصرت ناوي تفارق وش بقا
خلني انساك وانسى الصداقه والصديق=واذكر اني قد عشقتك على وضح النقا
ليت مالي قلب طيب يشل مالايطيق=كان انا والهم ذا الليل ماحن باصدقا
هو رفيقي كل مااقفيت جعل امحق رفيق=حدني صدك على اللي رفاقته محقا
شفني كل ليله امسك من الضيقه طريق=بين هم وغم وليل وهواجيس وشقا
لين اعدي مرقبن يشرح الخاطر واويق=واظهر اللي بيني وبين نفسي اتقا
اصفق الكفين واجذب تنهاتن عميق=يوم ضاعت هقوة القلب يوم انه هقا
وش بقااااا من كثر ماقلتها لك جف ريق=سييييين ياحظن عثر مالقى ليلة لقى
الصدر غبة حزن مير بلعومي مضيق=كل ماهنا قطعه سيل صدري لا سقا
والله ان لي قلب واسع ولي وجهن طليق=لين مافارقتني وقمت اردد وش بقا[/POEM]



وسلامتكم

ديواني