منتديات المرقاب الأدبية - عرض مشاركة واحدة

27-08-2007, 11:37 PM

الناس تصغر والهمم تِكْسر وأنـا أبقـى كبيـر
أكبر من ظروف الزمن وحظوظـي المتمايلـه
أزَفلت دروب الحيـاه الشايكـه ورد وحريـر
وعزمي يوردني على العـد ويمينـي طايلـه
أصبر ولومستقبلي مجهـول والواقـع مريـر
وآخذ حقوقي من زمـانٍ ماعرفـت آحايلـه
يامن طعم ريقك شهد وأنفاسك أحلى من العبير
وجهك يشتّتنـي ويلملمنـي ل قمـت أخايلـه
أقول في نفسي لمن قمت اتّدلع فـي المسيـر
محـلاك لـو انـك مورينـي نجـوم القايلـه
من يوم ماشفتك دريت اني قبل شوفك ضريـر
ووديان خفاقي قبـل لقيـاك ماهـب سايلـه
يافاتني ياللي وصالك فـيّ وصـدودك هجيـر
ارفق وناظر فـي مـودّك وش حياتـه قايلـه
هذي سنه عدّت وأنا ضامي على جال الغديـر
حبّك حبيبـي لا تباخـل بـه وتنهـر سايلـه
عطني من يمينك لحاف وباخذ يسارك سريـر
وبرقا لبدرٍ رغم قرْبـه يِتعـب الرقّـاي لـه
كم لي وأنا انوّي على الفرقا وأعود وأستخيـر
وأراجع عقود الهوى وأدْرسْـه وأفتـح فايلـه
وألقاني موقّع على ( معك معك مهما يصير )
ميثاق عز ضلوعي اتْحرْسه وصدري شايلَـه
عزز ياعمري موقفي حدّد على ايديك المصيـر
الفرْح شـف ذا نـوض برّاقـه وذي مَخايلـه
راضي ولو عطيتني من وقتك الشـي اليسيـر
ياويل من نفسـه مِهِـب قنوعـه ومتفايلـه
كل شي يكبر في الحيـاه أوّل بداياتـه صغيـر
والخيل تلحق في المضامير الطّـوال أصايلـه
والله لو ماعاشـرك مـادوّر لغيـرك عشيـر
بين المـلا مابـه حـلا خصايلـك خصايلـه
تركيبتك لطف وجمال وعطف واحساس وضمير
ومعنّز المنسَب ولـك بيـن العوايـل عايلـه
اسمع كلامي يابعد راسي واخذها من الأخيـر
العمـر ملكـك كلّبـوه أواخــره وأوايـلـه
أبيك لو الحور فوق القاع من جنسـك كثيـر
الأيام تمضـي والليـال اللـي تجمّـع زايلـه

و الله إن المفروض إنها في الشعبي

:
:
صح لسانك يا ابن عبدان و لا هنت
شاعر ترضي الذائقه بكل ما تقدمه لنا من إبداع
لله درك .. و لا هنت

أخوك/محمـــد ال عبـــدان