اموت من الغلا واحيا على طرقي وجي واروح
ليا غنيت افـرّد ف الهمـوم وينجلـي همّـي
عرفت ان الغلا رمحن يِسدد والهـدف مذبـوح
ضرب بين الضلوع وناش قلبي وانتثـر دمّـي
من الغالي صوابي وسط صدري وإنكتب باللّوح
نزف جرحي مشاعر شالها صدري على فمّـي
الا ياصاحبي واللي وصل منّك تـرى مسمـوح
مادام ان الغلا رمـحٍ يثيـر الشـوق ويحمّـي
لكنّ ارفق عليّه لا تزيد مع الجـروح جـروح
حرام الجرح مايبـرى مـن اسبابـك ويلتمّـي
تركد وإستمع شوري بدون مجاملـه ومـزوح
اذا تبغى مواريدي وتشـرب صافـي الجمّـي
ترى قلبي مع غيـرك مقفـل ماهـو بمفتـوح
اب علمـك فـي سـره ولكـنّ إلتفـت يمّـي
يشيل اربع حروف ونطقها من صوتك المبحوح
مخصص بس من شانك طلبتـك فيـه تهتمّـي
أحبك وعشقك وآخر علاقتنـا بهـا مصلـوح
فداك الطيش وأهل الطيـش لاهمّـي ولاغمّـي
مثل ريح الحيا ذعذع هوانا والبـروق تلـوح
على صوت الرعد غيث المحبه هـلّ مترمـي
مع احساسي نبت ورده لها عطرٍ شذاه يفـوح
محاصيـل الحبايـب وردةٍ عَطُـره وتنشمـي
ولوّ تدرج بي الايام عـن لقيـاك يـا مملـوح
ماصـدّ ولا يغيرنـي زمـانٍ شـره مطـمـي
ابسبح في غرامك لو غرامك يغرق السابـوح
مـع جـزره ومـده وتجاهـه يخلـف اليمّـي
دوافع غايته مركـب نجـاه لخاطـرٍ مشـروح
ابصبر لين اعدّي شف نفـسٍ صبرهـا زمّـي
وانا حبي ليا غنيت اصونه مايجـي مفضـوح
ماهو حبِ على هوت ميل دوت وزيدهـا كمّـي
وتراني قادر اوصفّـك لكنّـي بعيـد اشبـوح
وانا دايم نظر عيني مارده فـي طـرف كمّـي
واذا مالي جدى عندك بلاش اقـول ولاّ نـوح
وعرض سدي العالم ما بيـن المـدح والذمـي
وصفت الك الشعور احروف دامن الخطا مدموح
على ظني وتفكيري تركـت الخاطـر يسمّـي
يا حي القصيد الجزل وراعية
صح لسانك صح لسانك صح لسانك
مبدع ياتركي دائمآ
تحياتي ومتابعتي واعجابي
|