.
.
دايم وهو وافي جفـا ولا الوصـل فيمـا نـدر
مع إن ما عنده سبب في وصـل قلبـي يمنعـه!
يا قسوته وأنـا علـى قـاع الرجـاوي منهمـر
أمني النفـس( بعسـى دربٍ خـذاه يرجّعـه)!!
وأقول لأشيائه معـي مـا للغيـاب إلا الصبـر
وإن خالفتني ، قلت: ما في قطع مثلـه منفعـه!
اللي قبـل لا أعشقـه وأنـا علـى بيتـه أمـر
وبالنبض اطلّع مدة الوقت اللي لأجلـه بأقطعـه!
ومن بعد عشقه ما بقى شـيٍ معـي مـا ينتظـر
صوتٍ ينسينـا دفـاه ، الكـون هـذا بأجمعـه!
وشلون مع هذا الغلا والشوق والحـب /المطـر
أنساه، وأجبر خافقـي يجـذب غـلاه وينزعـه!
بأبقى أحبـه وأعشقـه لآخـر دقيقـه فالعمـر
وفداه قلبي لو لقى من جور صـده مصرعـه!!
صح السانك ولاهنت والله يالسبيعي على هالقصيدة
جزل ومن جزل
كل تقديري واعتزازي لك
.
.
|