قال ( اكرهك ما ابيك ..
ومثل ماجيتي بحياتي
ودي الحين انتهيك )
اسودت الدنيا بعيني
وابرقت دهشه وذهول
والحزن بالموق يرعد
ويتحضر للمثول
وغصب عني ..
قمت آرد اعتباري
واجرحه بالمثل يمكن
امحي صورة انكساري
صرت احلف له كذب ..
بانّي مثله ما احب
وان كل اللي جمعنا
كان تسلايه ولعب
ورحت عنّه
حيل مكسورة جناح
اداري دمعٍ
من كلا العينين طاح
بكيت من غبن و قهر
بكيت في صبر ٍ..
وصمت
والظاهر اني من البكا
ومن التعب
نمت .. و حلمت
*
الحلم
*
شفته يجي رافع يده
يزهم عليّ
وينادي باعلى الصوت
لا .. ارجوك
بس لحظه شوي
يا انسه ..يابنت حوّا ..
ياحفيدة شهرزاد
يالعزيزه الغاليه
يا أول وآخر مراد
لو الف الكون كله
مايكفّيني سواك
ولو ادوّر حب ثاني
ما ابي الا هواك
اعذريني
كنت ابي اعرف مقامي
يوم صرحت ( اكرهك )
واثري جرحت احساس قلبي
قبل ما اخطي واجرحك
اعتذر ..
جيتك ابيك تسامحيني
*
*
قمت من نومي على الحلم الجميل
ودمعتي تكتب على الوجنه
( رجوعه مستحيل )
وكل ياللي بيننا ذكرى وراحت
وانتهى كل شي مابينه وبيني
|