|
باكر... زواجي !!؟
كل عام وجميع المرقابيه بخير
والله يتقبل منا ومنكم
تقبللوهاااا ... كما هي ...
[POEM="font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياليتها الأشواق توخذ شجاعه =ماكان أحد لاحظ علي احتياجي
أناا غريقه رغم زود البراعه=وبحر الهوى ماقد طلع منه ناجي
ماهي رداوة حظ ولاسناعه= مسحور عينه ماتخير مزاجي
البرق من خده وقوة شعاعه= تحرج مجرات السما والزجاجي
عذر النجوم الي تغيب بسطاعه=مع النهار يضيع ضو السراجي
حبه بقلبي منطبع لي طباعه =ولوغاب صوته عيب طلقت حجاجي
اشعر بصوته قبل لحظة سماعه=واذا اتصل بي بعد الووووه اندماجي
اسرح معا صوته واحب اتباعه= صوته يقل الضيق جاك انفراجي
ثقيل مايعرف كلام اللكاعه= حكيه عدل لو وقفته بنعواجي
حبه لشخصي شي لاوي ذراعه= طوقته بحبي بليا سياجي
مايقدر افراقي واذا استطاعه= يومين والثالث يجيه ارتجاجي
ازعل عليه وزعلتي ربع ساعه= مابيه يترضا ولا ابغى تراجي
اكره احسه يوم في انخضاعه= ولو يوم زعلته ياكبر انحراجي
لا قلته وصلك بلاش القطاعه= قلي خلاص اجيك والله باجي
حببني فلكنة هله بالمياعه = لو كان مالي في حكيهم خراجي
ماهو ضنا عمي ولا احنا جماعه= لاكني اعده على الراس تاجي
كان الهوا مركب وكنا شراعه= روحين عشنا قلبنا ازدواجي
غروٍ رحل قلبي معه في متاعه= من غيبته والله زاد انزعاجي
ياخيبتي من بعد طال انقطاعه= الحزن والحرمان افضل نتاجي
ياليت باع الحب واقول باعه= محدٍ على الخاين كثير احتجاجي
ألا تلف قلبي وسبب ضياعه = ابدالي اسبابه وغاب ابتهاجي
اموت منسى كلمتين فوداعه=ضميت يده قال باكر زواجي
وسلااااااااامتكم [/POEM]
نغمة حزن دقت مثل صوت الاجراس = وجاوب لها هاجس حنيني بطاروق
وفكرٍ غدى في زحمة الليل محتاس = وجسمٍ خلا من قلب عايش على عروق
قصيدةٍ ماهيب تكتب على ساس = جتني ومعناها من الحزن مسروق
وكتبتها ودمعي مثل حد الامواس = سوى على وجهي علامات وفروق
سولفت فيها معا هوى ليل الاتعاس = وآخر كلامي كان بحساس محروق
اللي ذبحني صدق دمعات الاحساس = لحظة ذكرت الحب والشوق ياشروق
لو قلت احبك خايف تقول هلاس = كلمة احبك دربها صار مطروق
انا فديتك لنك من اقرب الناس = انا فدى برقا وقلبي فدى روق
sa-1400-ad @hotmail.com
|