الله من قلـبٍ عليـه الزمـن جـار
ما شاف من لينه ولا شـاف يسـره
كنـه معلـق بـه مساميـر نجـار
وأصغر صواديفه كما ضرب الابـره
له عام بين النـار والـداب والغـار
يا قوّ نكباتـه ويـا طـول صبـره
طلع يميـن وخالفـه حظـه يسـار
شبر ل/ حظه مير مـا فـاد شبـره
يا مولعين النار حطوا علـى النـار
صفيحـةٍ علـى مقاسـه وكـبـره
نويت لـأخذبه علـى النـار معبـار
لـو أنهـا نـدره ويـا شـر نـدره
إموقفه من دونـه طـوال وقصـار
وحيـا وتنهيـده وعشـره ونبـره
وش صار لاتنشد يا ابوزيد وش صار
نقالت العثـره مثـل تكـس الاجـره
تشيـل مرتبتـه معـا كـل مشـوار
في كل يـوم تشيـل وتحـط خبـره
وأنا آدمي قطفت لي ذنـب وأعـذار
والله غفر لآدم علـى شـان عـذره
واللي وقف من عام في حلقـي زرار
والله لا أمتّخ بـه ولا أحـط وثـره
أن كان ما بطّل معـي لعـب الادوار
وأخذ على نفسـه وكسـره وجبـره
ماني بمتعود على كشـف الاسـرار
جف القلم والآدمـي عـاش عمـره
الحكي ما عيّـب طويليـن الاشبـار
لكنـي أحـس بنـدامـه وحـسـره
لو أني أدري عـن محابيـل الاقـدار
ماشفت لي عند ارذل الناس عثره !!
لله درك يامناحي
صح لسانك مدد بلاعدد
تحيتي
|