منتديات المرقاب الأدبية - عرض مشاركة واحدة

15-09-2007, 10:50 AM

.
.

الأحد
10,53 صباحاً

أدري ان كثير من الفضوليين بيتسائل ( وش اللي مقوّمه هالحزّه !) صيام وخير ...
ولكن علشان أريّحَه
بقولّه .. أنا في الدوام ياشيخ ومخلّص اللي ف ايدي من صبح

قوة الرجل وهيبته في شموخه وعزّته .. ولا يليق به البكاء حتى في أصعب الظروف وأقساها
وان كان أكثر البكّائون العشّاق , فقلوب هؤلاء ( رهيّفه مرّه ) , وأدنى مايجيبها

بعض شعراءنا الأفاضل يبكون كثيراً في قصائدهم وينثرون الدمع هنا وهناك في اغلب نصوصهم الغزليه , والأدهى والأمرّ أنهم وخصوصاً في الأمسيات أو في اللقاءات التلفزيونيه يكررونها بصوت حزين وخافت وب أنين ويعبّرون عنها بضمير !

السؤال

هل هذا يجدي نفعاً مع المعشوقه , بمعنى , هل بكاء المرء لحبيبته عند الفراق أو الهجر أو الغدر أو غيره يكبّرالحبيب في عين محبوبته , أم ينقص من قدره ويهزّ صورته أمامها !

لكم رأي
وبالتأكيد
لي رأي !

شعّارنا في المملكه ولاّ الكويت
ـــــــ وأبوظبي والدوحه وقدْم وورى
لو قلت في شعر الغزل مليون بيت
ـــــــ وهريت عرق الشوق فيني واهترا
وعانيت من جور المحبّه واشتكيت
ـــــــ فرقا وصد وجرح ينزف مابرى
حرام ماقد قلت في شعري بكيت
ـــــــ الاّ على عود اندفن تحت الثرى !

ونبقى