السلام عليكم ورحمة الله وبركاته :
أخوي سداح :
أحسن الله عزاك وعظم الله أجرك في جدك
والله لقد آلمني الخبر وحزنت لحزنك يعلم الله , والمعذرة على تأخر
التعزية فلم أتصفح المنتدى منذ دخول رمضان إلا قبل قليل ورأيت هذا الموضوع
فسجلت دخولي مباشرة .
هلّت عليه المنابر دمع .. مع كـلّ آذان
إمـام ربعـه .. ومفتيهـا .. وخيّالهـا
وتبكي عليه النخيـل اليابسـه والليـان
والبـن والهيـل والـدلّـه وفنجالـهـا
ويبكي عليه الكرم عقب إنفـلات العنـان
راعيه يـوم المكـارم محتمـي جالهـا
والشعر يبكي وينشد عن فصيح اللسـان
ومساجلاته غشاها الحزن وأومـا لهـا
فيـه التّقـا والنّقـا والعقـل والإتـزان
والسيره الطاهـره رامـت لـه وطالهـا
على مثل هذا فلتبكِ البواكي ياسداح .
أسأل الله أن يغفر له ويرحمه ويجمعنا به وإياكم ومن نحب
في الفردوس الأعلى من الجنة .
ونردد معك قائلين :
عساه مرحوم يوم الحشـر والإمتحـان
ومجار في ساعة ٍ مـا تامـن اهوالهـا
في ظل ربه وينعم وسط خضـر الجنـان
يظلّـه برحمتـه ويعـيـش بظلالـهـا
الله يغسله مـن ذنوبـه ويبقـا مصـان
ويعتق من النار يوم الخلـق بأعمالهـا
|