الغالي
ســـــدّاح
__
عظّم الله أجركم __
أسأل الله أن يغفر له خطاياه وأن يجعله من عتقاء الشهر الكريم وأن يلهمكم الصبر
_________________
فقدت راس ٍ عزيز ومن طـوال اليمـان
قامـت عليـه المنيّـه تطـوي حبالهـا
فقدت وجه ٍ كريـم وهيبـة ٍ مـا تهـان
فقدت نفـس ٍ تحـوز المـدح بخصالهـا
فقدت رجل المعالي ما ضـرا بالطمـان
فقدت نسـل الكـرام ومضـرب أمثالهـا
فقدت تاريخ حافل مـن سجّـل الزمـان
فقدت مـن سيرتـه بالطيـب منزالهـا
وشلون أبرثيه وعشري عقب فقده ثمان
وقصيدتي عن فقيـد الطيـب يرثالهـا !
عسى المراجل بعد موته تجـار وتعـان
المرجلـه فاقـده واحـد مـن رجالهـا
هلّت عليه المنابر دمع .. مع كـلّ آذان
إمـام ربعـه .. ومفتيهـا .. وخيّالهـا
وتبكي عليه النخيـل اليابسـه والليـان
والبـن والهيـل والـدلّـه وفنجالـهـا
ويبكي عليه الكرم عقب إنفـلات العنـان
راعيه يـوم المكـارم محتمـي جالهـا
والشعر يبكي وينشد عن فصيح اللسـان
ومساجلاته غشاها الحزن وأومـا لهـا
فيـه التّقـا والنّقـا والعقـل والإتـزان
والسيره الطاهـره رامـت لـه وطالهـا
عساه مرحوم يوم الحشـر والإمتحـان
ومجار في ساعة ٍ مـا تامـن اهوالهـا
في ظل ربه وينعم وسط خضـر الجنـان
يظلّـه برحمتـه ويعـيـش بظلالـهـا
الله يغسله مـن ذنوبـه ويبقـا مصـان
ويعتق من النار يوم الخلـق بأعمالهـا
آميــــــن يارب العالمين
__
|