منتديات المرقاب الأدبية - عرض مشاركة واحدة

21-09-2007, 09:23 PM

,
,

رثائيّات

اللهم ارحم أموات المسلمين جميعا

وتقبّلهم واعفوا عنهم

!! النص هنا بالصوت !!

,

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
جعل عينٍ مابكت في فراقك ماتشوف=وجعل قلبٍ ماامتلا حزن تسكت دقّته
يايبه فرقاك توجع وجع طعن السيوف = لكن الله قدّر النا نعيش بقدرته
هادم اللذات جالك وحن حولك وقوف = ماقدرنا نوقف أمر امحتومه جيّته
مومنين ونعرف انّا على الدنيا يوف = والرجل وان طال عمره بتاتي نهايته
لكن اللي حزّ بالخطّر وزاد الحسوف = الردي عايش ومثلك حرمنا شوفته
لنْك مثل الشمس لامن تهادت للكسوف يفقد الكون بسببها سناه ولمعته
ولنْك جود الجود ياعود في شح الظروف = يوم غيرك لانصيناه تقصر مدّته
ياشجاعٍ في اللوازم مجرّب ومعروف = ياحرارٍ ماتمغّط ظهرها صيدته
ياحصان الحق في الحق صلف وماتروف = ياشديدٍ في الشديده تعيّن بصمته
ياسديد الراي يامن توبّع للحروف = في لسانك طهر تدمح حلاته سيّته
ياسلالة جد زيزوم يفدون الوف = وجدك الآخر تفاخر بفعله عزوته
لابتك عند الطلايب ملاقاها امْعيوف = فعلها كلٍ بشلفاه يقني حاجته
ياضراوه ياهداوه مكمّل بالوصوف = في قضاك الموت نفسه تقاطر دمعته
جعل عينٍ مابكت في فراقك ماتشوف = وجعل قلبٍ ماامتلا حزن تسكت دقته ![/poem]

!