منتديات المرقاب الأدبية - عرض مشاركة واحدة

23-09-2007, 03:51 AM

الجادل اللّـي فجْـر قلبـي عليهـا الحنيـن
ماسقتْ رجل الغرام .؟ إلاّ علـى شانهـا .!
يقولـه التّايـه الـلّـي توهـتْـه السّنـيـن
دخــلْ ., ولادلّ مخـراجـه فبيبـانـهـا
ماكنت أَحسْب إنّ فالي عقـبْ شِينـهْ يزيـن
إلاّ يومْه صاح بإذني : عانهـا ., عانهـا .!
جات إتخطّا على ضْلـوع الفـوادْ الحزيـن
على الضّلوع الصّخـاف إتكوسـر ألحانهـا
جتني على غفلتٍ منّي ولاقلـت ., ويـن .؟
تعزّبـتْ قلبـي اللّـي صــار ديوانـهـا
وإن جيتها ضيف .؟ فالي بين سمْن وسميـن
عـزالله إنهـا كريمـه عـنـد ضيفانـهـا
بقـطـف فبستانـهـا لــوزه وتفاحتـيـن
لــوإنّ فيـهـا مايغريـنـي فبستـانـهـا
والله ماطاح العذارا مـن عيونـي ياليـن .؟
قامـت بـدور السّفينـه تحْـت ربّانهـا .!
ماأخاف فيها الحكْـي وإبغاضـة الحاسديـن
لكنّـي أخـاف مـن سـطـوة طيشانـهـا
خلتّني ., أعرف وش يربط خديـن بخديـن
وخلّتنـي ., أحــبّ ديرتـهـا وسكانـهـا
كرّمتها من حكْي سمْعه ., ونظـرات عيـن
ولخّصتهـا فـي قصيـدٍ هــزّ وجدانـهـا
أحبّها حبّ علمـه فـي ضلوعـي يبيـن .؟
من دمعـة إعيونهـا ., لاضحكـة أسنانهـا
فإن قالت ( أحبّك ) .؟ أثني كلمة العاشقيـن
صح الله إلسانـي ., وصـح الله إلسانهـا .!
وإن حلّ حِلّ الفـراق .؟ بتنسكـب دمعتيـن
دمعه من أعيانـي ., ودمعـه مـن أعيانهـا
وإن قيل ويش إتمنّى .؟ قلت لي ( منوتين ) :
أعيش فـي قلبهـا ., وأمـوت بحضانهـا.!

ياسلام عليك يافهد ..

والله انه عجبني اخير بيت ولا قصور في باقي البيوت

وحطيته بلوك بالماسنجر

صح لسانك يامبدع !

ولاهنت مليون

تحيتي واعجابي