ماشاء الله تبارك الله

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ريما وش اللي تطلبينه واجيبه = ما اكون كاين حيّ لن كان ما جاك
وان كان ماهو بالرضا بالغصيبه = لو تطلبين الروح تفداك تفداك
منتي مجرّد ياالحبيبه حبيبه = الا اميره والك في صدري أملاك
تبقى الخلايا دون دمعك كتيبه = والقلب يبقى واحدٍ من رعاياك
اعيش من ضحكتك دنيا رحيبه = واموت لا شفت الحزن في محيّاك
واليا مشيتي تنبت الارض طيبه = واليا وقفتي وقّف الكون لخطاك
واليا سكتي يسكن الصبح ريبه = وليا تكلّمتي الكلام يتوحّاك
و(بابا) لها بالذات حاجه عجيبه = ما يوصف احساسي بها الا شفاياك
يابنتي الله يصلحك ياعريبه = والله يحفْظك لي ولامّك ويرعاك
تمرجحي في خافقي والعبي به = كلّه على بعضه وشنهو بليّاك
ماودي اتكونين وحدك غريبه = لكنّ ماتدرين ياويش درّاك
عيشي وخلّي لي الحياه العصيبه = وانسي تباشير الفرح في محيّاك
وقولي وش اللي تطلبينه واجيبه = ما اكون كاين حي لن كان ماجاك[/poem]