[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]أقسى الجروح اللي يكون الدوابه=موت المشاعر .. والقلوب النبيله!

والحب لو وطـّا رفيع المهابه=تراه ماعز النفوس الذليله!

ولو إن الأنفس ياحبيبي تشابه=بتشوف نفسك من فراقي عليله!![/POEM]


يا اللــه يا مـحـمَّـد


فعلاً لو تشابهت الأنفس لتشابهت المعاناة !!



[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]في غيبتك .. ضاقت عليّ الرحابه=والحزن خيّم بالضلوع النحيله!

حزنٍ عليه يجرّ قوس الربابه=وتبكي لحونه ناعساتٍ ظليله!

حزنٍ لك الله كل حيٍ درابه=وطبع العرب ماتترك أحْد بسبيله!![/POEM]


طبعهم يزيدون الطين بلّه . . وما به ألا الصبر !!

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]قالوا تخلاّ صاحبك في غيابه=خلـّه .. وتلقى فالعذارى مثيله!

وإنسه وإذا عـوّد عليك إجتنابه=وإكرهه وتلقى من تحبه بديله!!

كلامهم ماهو غريب .. الغرابه=إنّي عجزت ألقى لكرهك وسيله!!![/POEM]


لــــيــــش ؟!

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]لأنك فرح عمري .. وزهرة شبابه=ولأنك أساس الذكريات الجميله!

ولأنك وطن للقلب بعد إغترابه=وأطهر فضيله في زمان الرذيله!!

ولأنك أمل قلبٍ يأس من عذابه=وأكرم وجه بين الوجيه البخيله!!

ولأني معك برقٍ عشق له سحابه=يشوف فرقى حضنها مستحيله!![/POEM]


بعد كل هذا أقول:

الـلـه يلوم اللي يلومك !!



[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]عوّد ترى قلبي تعب من صوابه=وروحي من طعون الجفيّا قتيله!!

مغير أسلي خاطري بالكتابه=وأجر صوتي لليالي الطويله!

وأقول مهما نبتعد في القرابه=يكفي بالآخر نجتمع في قبيله!!

وإن كنت طيفٍ مت أتبعه سرابه=عـزّي لقلبي .. والهوى عـزّتيله!

ببعد لو إن البعد ماأهوى الرضا به=لكن مالي في المقادير حيله!!

وقبل البعاد أسألك وأبغى الإجابه=لاجيت أنا بنساك .. وشهي الوسيله؟؟!! [/POEM]


ويبقى السؤال الصعب ذو الإجابة المستحيلة !!






الشاعر الرومانسي
مـحـمـد الـسـبـيـعـي


إغفر لي هذياني في فضاءات هذه الفريدة !!



وجودك مكسب للمنتدى وجبهة جديدة للرومانسية في ساحة المرقاب !!


ختاماً

لكـ إعجابي ومتابعتي وحبي



أ
خ
و
ك
فيصل الشريف