حسن على الهاجري
موضوع رائع وراقي
والطيب من شيم الرجال
ولعل موضوعك مناسب
لقصيدة الشاعر الرائع سعد بن مناحي بن شفلوت
حيث يقول
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الطيب فرصه والجمايـل توافيـق=ومن لا توفق ماكتب لـه جمالـه
ومن لارقى للطيب روس الشواهيق=مازان لـه وقتـه علـى مابدالـه
ومادام لفعول الجمايل عشاشيـق=كسب الجمايل مايجـي بالسهالـه
ولو انها تشرب مع فكـة الريـق=كلن خذاله كل مـا أصبـح بيالـه
والطيب منوه للقلـوب المشافيـق=كلن يتـوق ومنوتـه راس مالـه
والمدح مايزهي على الرجل ويليق=الا لا صـارت وافيـات خصالـه
يستاهله رجلـن يفـك المزانيـق=اللي يقال ونعـم لا جـا مجالـه
ومن ساقته نفسه وهو مابعد سيق=لأجـل الجميـل يزيـن الله فالـه
والمرجله ماهي بتحتـاج تنسيـق=من بين قلب اللي عشقهـا وبالـه
ومن عادة الدنيا تخون المواثيـق=تفتـر مكرتهـا سـوات المحالـه
ولولا اللـوازم ماعرفناالمخاليـق=مانعـرف الرجـال ليـن انعنالـه
والكفؤ تظهر فزعته حزة الضيـق=وينشاف في الشده بعيـن العدالـه
نسل الرجال متعبيـن الملاحيـق=متوسطن من بين عمـه وخالـه
واللي يطيق ولابغى قال ما أطيـق=تحرم عليـه المرجلـه والشكالـه
والهينه تكبر على اللاش والهيـق=لة فالرخاقالـه وفالضيـق قالـه
والطيب شاره والضماير صناديـق=واللاش طيبه مـا تعـدى ظلالـه
وأنا أسبر قلوب الرجال المغاليـق=والصامت أقطع غايته من مقالـه
ومادام في الدنيا رجال ومطاليـق=نصيتهم والـلاش مالـي ومالـه[/poem]
وقد أرسلت إليّ من شخص ولم اكن أعلم حينها بانها لسعد
إثر موقف لايتسع المجال لذكره
وقد رديت عليها وردي للشخص نفسه وليس لسعد
وهذا
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الطيب شيمة والمبـادي مفاريـق=مبدى يجملبـك ومبـدى لحالـة
ومن لااجتلد للطيب خسران ويعيق=ربـعٍ تـدور نفعتـه واجتوالـه
ومادام فالمرقاب عديـت واويـق=امد حبل الطيب وارهـي وصالـة
وليا انْصيت افزع ولا فيه تفهيـق=واشمّر الساعـد واكـرّم سبالـه
ماحط من دون اللـوازم مداريـق=ولا اصد صـدة منتويـن النذالـة
واسد فالـلازم ولا فيـه تفريـق=وليـا تعـذر مانقصـت الرجالـة
اقدم المعـذار جـزل الطواريـق=واكمل وجوبه ولاارخـي احبالـة
ماني من اللي للمدايـح مطافيـق=نـاسٍ تـدور للمدايـح نفـالـة
المدح مايرفع سديـح المطاريـق=اللي تسـدح مـن رداه وخمالـة
والذم ماينقص رجـال المغاليـق=اللـي تغلـق فاللـزوم بكمـالـة
والوقت مايبقى على حال وصفيق=لابـد مـن يـوم يلفبـك حالـة
ويشيلك حملٍ كما حـرة طويـق=وياكثر ماغيرك من الناس شالـة
لكـن يفرجهـا عليـم المرازيـق=الواحد اللي كـل خلقـة تسالـة
والطيب عز وله غصونٍ مواريـق=يقطف ثمرهـا طيبيـن السلالـة
والحر يكفخ بالجناحيـن وشفيـق=فالماكـر اللـي مـاوراه وبدالـة
والبوم يقعد فالخرابـات ويخيـق=متوسطٍ في عشتـه مـع وثالـة
والمرجلة تلقالها وسـم ووثيـق=والمـا يبيـن ولا تغطـه انثالـة
هذه كلام الصدق مافيـه تبريـق=والقـول فعلـة مثبتينـه اقبالـة [/poem]
مع كل التقدير
غيمار
|