فيصل الدوسري

عاد عيدي وأنا بين الرجاء والنصيـب
أجمع أفراح عمري .. وأحفر قبورهـا
المدامع في عيني ما تكـفّ الصبيـب
كلّ دمعـه تفـوح وتنتظـر دورهـا
ذمة الحبّ بارت فـي رقبـة الحبيـب
وأكثر الناس عيّـا يصـدق شعورهـا
كل ما فوق صـدري غـرّد العندليـب
قلت كيف الحبايب ضاقـت صدورهـا
علة ٍ في ضميري يا البعيـد القريـب
من يدينك سببها .. وأنـت دكتورهـا
ليه نضرب على عرق الضوامي صليب
والغصون الرطيبه طـارت طيورهـا
ودّي أعيش ذيب .. ودّي أموت ذيـب
لا يقال الهوايش عايـش بشورهـا !





لله درك

..



..



.