الله يغفر الذنب .... مافيه حل يمشي الدوام فيه الاّ كذا !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارح قاعد طفشان = آقلّـب في التلفزيون
كم قناه وكم عنوان = وكم نجاد وكم شارون
حتى أخبار أفغانستان = والبشمرقه والبشتون
والفنـّانه والفنـّانه = والملعونه والملعـون
جا غسّان وجت رزان = كلٍ يبغى المكرفون
هذا يحكي عن لبنان = وهذا عن مدريد وبون
وأمّا قناة الورعان = ركب سبيس ولقحت تون
حتى قناة السودان = جابت شعّار المليون
وقامت تنقد بن جدلان = وتنقد صقر وبن لعبون
خبط ولزق وزود جنان = جابو للناس القولون
قلت آعوذ من الشيطان = وآنتنت وأنتو توحون
جيبو لي المحمول الآن = وأشبـك سلك التيلفون
أبغى مرقاب الشجعان = قلبي في حبّه مفتون
آخر أحداث الزمان = ذا مولود وذا مطعون
قلت الشعبي شانه شان = أفتح وأقرى والاّ بدون
آخر صيحات الألحان = داخل مرقاب الفنون
والمواهب بنت حصان = والخيّاله لون ولون
والباقي جيته عجلان = بيت مقفولٍ ومصيون
وللمرقاب العام أركان = وسطه دايم يكتبون
من زهران ومن قحطان = مشكورين ومشكورون
بس الحق يبان يبان = والله مايبقى مكنون
إني ميّزت الفهمان = اللي بالروعه مسكون
كاتب صح من العتبان = يقدر ياكل بن خلدون
كاتبنــا عبـدالرحمن = الشيباني ما يهـون
إيدرّسنا بالمجان = وآنا له جداً ممنون
موضوعه دايم مليان = والظاهر غير المدفون
ويوازنها بالميزان = والناتج يطلع موزون
يقدر من دون إستئذان = يقلبها فوق القانون
إلْه عيونٍ وإله لسان = يعني هدّيف وملسون
له علاقه باليابان = مهما حاولتو تنفون
(إليا) (بان) أرضى الزعلان = وإليا غاب أنتو تدرون
وآنا في حبّه ياأخوان = كنــّي مدمن كبتاقون
ودّي في تالي القيفان = أمزح مَعْـه بدون ظنون
لانـّه رجالٍ طربان = وآنا آمون وهو يمون
بن مشيَب عبدالرحمن = شابّ ومملوح ومزيون
ماهو طايح بالدخـّان = كبّ الجمره والغليون
قلنا ركّب طقم أسنان = راح وركـّب جسر سنون
يمشي دايم مَعْ مشعان = وفيصل ومحمّد يمشون
وإليا قابل بو راكان = هدّ قلاع وهدّ حصون
يعني بالفمّ المليان = هتلر مدري نابليون ![/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !