[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نسمة صباح العيد داعب غترتي نسناسها = على الهواء الطلق ناقصني جناحين وأطير

برفرف بريشي وعيني ماتشوف نعاسها = على الخبر والطايف وحايل ونجران وعسير

وامرها في نجد مسكنها ومسقط راسها = ((لحظة بعايدها)) سكوووت من الصغير اليا الكبير

لا يابعد كل من وطت رجله بالأرض وداسها = كل عام وأنتِ بخير يالنجلاء وانا مثلك بخير

بالله يامن ,,,تزهي بلولوها ,, وآلماسها = لا تتركيني ,, والزمن قاسي وانا وضعي خطير

تلعبي هبوب الرياح ارباعها واخماسها = والوقت مايرحم على الدنيا غني ولا فقير

ياللي خفوقي حبها وخالط هواه انفاسها = لا تنظري لي نظرة الخوان معدوم الضمير

أنا من ظهور الرجال اللي قويٍ باسها = قومٍ تحشمها العرب من حشمة السيف الشطير

من ساعه الفرقا على اذني ,, تدق اجراسها = لليوم هذا .,, لا بعد والله لليوم الآخير

وأنا اتجرع كل يوم من الحسايف كاسها = ماكن لي في الوقت خل ولا خوي ولا عشير

لو البشر معروفها باصنافها ,, واجناسها = كان السعاده "كلها" بتصير في بشت الأمير

ولا كان صرتي المويه اللي كذبت غطاسها = ولا صارت الدنيا على عيني عبوس ٍ قمطرير

أنا أحسد الأرض وشلون أتحمل ناسها = وانا متوني للحمول تشيل ماشال البعير[/poem]

فالح الشلوي