[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كل عام وأنت العيد يا فرحة العيد = وكل عام وآنا يا حبيبي حبيبك!
وكل عام وأنت تزيد حبّك ، وأنا أزيد = حبّي ، وأودي ما سواك ، وأجيبك!
وكل عام وأنت تسيل فرح وتغاريد=وقلبي يا همّال السعادة ، شعيبك!
وكل عام وأنت تحلّ بإطلالتك قيد=كبتي ، وتآخذني معاك لرحيبك!
وكل عام وأنت تمدّ لإغفايتي إيد=صحوك ، وتغمرني بنبلك وطيبك!
وكل عام أبشّر خافقي بالمواعيد=اللي يغذيها حلاك ورطيبك!
وكل عام نبضاتي جموع ومفاريد=تآقف على باب الغلا تحتفي بك!!
وكل عام أنا أوّل طامعٍ فالتناهيد=منّك ، وبلسم ما جرحك ، وعطيبك!
وكل عام أنا وياك غيث وجراهيد=أستقبلك ، وتضيع بي ، وأرتوي بك!!
وكل عام نجرح هيبة الحزن بالعيد=وتبقى حبيبي ، وآنا أبقى حبيبك!![/poem]

أستغفر الله الذي لا إله إلا هو الحي القيّوم وأتوب إليه ..

Ask me