[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
الشعر له جندٍ من الجن مرجوج = بسبابه الشاعر تجي فيه رجه
والنادره لاجات من مثلي تروج = والصدق نور .. وحجة الشعر حجه
قبُ المعاني للصعيبات مسروج= وأنصاف شعار المجلات دجه
وسط البحر دوامة البحر والموج= وسبع البحور أمواجها مستلجه
يللي تبي تجتاحها فوق هجهوج = غلطان وأكثر هرجة الناس ضجه
والوجه الأبيض من صباح أمس مبلوج = وأنا بفضل الله على أبيض محجه
ماعمري أحتجيت وأقفيت مفلوج =وإلا خصيم الحق كلٍ يحجه
وماني براعي هرج من قبل مهروج = هرج الفتى من لبُ قلبه يزجه
هرجٍ سوات المسك بالورد ممزوج =ينعش وتاخذ به هل العرف سجه
لاشفت صح الغير .. والعكس مدموج = أقول كلٍ له طريقه وفجه
هذا وأنا مالي ورا الشعر مدروج = إلا ربيع الهيض عن كل عجه
والله يرج إللي من الشعر مرجوج = والشاعر الشاعر تجي فيه رجه [/poem]