السلام عليكم ورحمة الله وبركاته
السلام عليكم ورحمة الله وبركاته
اخوي سعد بحثت عن نفس البيت المذكور اعلاه .. ووجدته كما ذكرت في أحد المنتديات الأدبية وكان يسأل عنه حمود الهاجري اللي قال انه للشاعر الكويتي سعود الفهد
وايضا وجدت قصيدة بعنوان ..
بيض الله وجه الايام والمال القليل تسجيل صوتي من خلال برنامج بحور القوافي بتلفزيون قطر بصوت صالح آل مانعه وكانت اربعة ابيات فقط وهي ..
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بيض الله وجه الايام والمال القليل = بينّت لي صادق الناس من كذابها
بينّت لي وقفةٍ ما يوقفها الذليل = فزعة اللي خوته ما تسد ابوابها
يلتزم فالحق ويقوم بالحمل الثقيل = وما تروّح حاجةٍ له وهو طلابها
لو معي من غيب الايام والدنيا دليل = كان اجنب بعض الاشياء قبل لا ابدابها[/poem]
على الجهة الأخرى ..
فيه قصيدة نفس المطلع للشاعر مضواح بن شتوي منشورة لـ 2002
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بيض الله وجه الايام والمال القليل = بينت لي دامس الليل وفجوج النهار
اكتشفت بها غريب وشي مستحيل = واكتشفت بها طيور القهابا والحرار
واكتشفت بها عزاوي منجية الدخيل = واكتشفت بها عزاوي قصيرين العمار
واكتشفت بها شجيع اخويانا والذليل = واكتشفت بها صغار اخويانا والكبار
واكتشفت بها الحِيّل والتحيّل والجليل = واكتشفت بها طوال المناهج والقصار
واكتشفت بها كريم اخويانا والبخيل = واكتشفت بها فيافي الخزامى والقفار
قالها اللي جور الايام شاف بها الرحيل = من عناها يلتفت فى اليمين وفى اليسار
اتلفت حزة الظهر كني نصف لليل = كن مالي فى البلد لا صغار ولا كبار
لا رفيق انتخيبه ولا عابر سبيل = كني اسمع صوت خفاش في جال الزبار
دلهمت الايام والعمر ما حّصل دليل = حار فكري والقدم من عنى الايام حار
اعذروني ياهل المعرفةواهل الجميل = ودي اوضح رموز المعاني باختصار
والسبايب جور الايام والمال القليل = وضحت لي دامس الليل من فج النهار[/poem]
لي عودة .. ابو نايف
|