منتديات المرقاب الأدبية - عرض مشاركة واحدة

23-10-2007, 01:03 PM

:
:

على ( فكرة ) .. !!

( الفكر ) خلاصة ( التفكير ) ..
و( الفكرة ) بنت التفكير ..
والمفكر ( فكـ .. راسه ) التفكير ..
فدوّن نتائجه فـ ( كراسه ) حتى لاتضيع ..
وإذا تزاحمت في راسه ( فكرتين ) ..
فصلها فـ ( كرتين ) مختلفين حتى لاتتشابه عليه ..
المفكر يطرح الفكره ولايلزم بتنفيذها ..
رغم أنها واحده من ( بنات افكاره ) ..
والفكره ( خرساء ) حتى تنفذّ ..
كل الإنجازات تبدا بـ ( فكره ) ..
يعني هي ( أم ) الانجازات .. رغم أنها ( بنت ) بكر ..
زحمت الأفكار تشحن التفكير ..
وشحن التفكير الزائد عن اللازم .. قد يؤدي لـ ( الجنون ) ..
لذا بين العبقرية والجنون ( شعرة ) تقف عليها فكره تقول :
إذا شارفت على العبقرية فلا تتقدم أكثر ..
لأنك لوتقدمت ربما تعود مجنون ( رسمي ) ..
وتصير مثل اللي يقول :
أستخدم ( مسمارين ) لتثبيت أي فكره تدور في راسك بـ ( صمت ) ..
لأنك إذا فكرت بصوت عالي سوف تزعج اللي جنبك .. !!