[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
الظلم رسمي .. والمحاكم جريمه = والناس ماتدري عن أسباب الأرهاب
والصدق ماله بين الأنذال قيمه = لاقاله الصادق .. يقولون كذاب !
والكيد من طبع القلوب السقيمه =لا وفٌق الله كل مغٌرض وسباب
شالفايده ؟ دام العواقب وخيمه = من لدغة العقرب .. ومن قرصة الداب
وين التطور والحياه الكريمه ؟ = وثرواتنا مابين .. ممٌسك ونهاب
نساير أفكار العقول العقيمه = عقالنا .. تعطي مهابيلنا أسباب
رحنا خساره .. والخساره جسيمه =وماعاد ينفعنا التفاخر بالأنساب
دام الزمن مافيه شيمه .. وقيمه =يفرح بذل الروس ..ويعز الأذناب
الخصم طاغي .. والشريعه خصيمه = " والعولمه "غزوٍ .. للأفكار جذاب
هذا الصحيح ومن يعارض " بهيمه "=القدس محتله .. وبغداد منصاب
وين القيادات الكبار الحكيمه =مقادم الأمه ليا كلح الناب
ضد العدوُ.. أمن العصور القديمه = واليوم وين اللي يضدون حرُاب ؟؟
الله عظيم وحكمة الله عظيمه =وماضاع حق .. ومن ورا الحق طلاب [/poem].. [/size]