[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليل مامن ليل ياساهر الصيف=مايمدي العاشق يعالج جراحه
اليا دعاه الشوق يمّ المواليف=هاجوس.. هاجوسين يطلع صباحه
حتى مايمدي ناظره يلمح الطيف=وياخذ مع اطياف الحبيب.. استراحه
عن ظيقة الخاطر ودنيا التكاليف=اللي مافيها للمحبين راحه
من غير.. ليه؟ وغير.. وشوّله؟ ..وكيف؟=غلاك ماخلاّ لغيرك ..مساحه
اخلصت معك وصادفتني صواديف=وابعدت والقلب الوفي في مراحه
ياصاحبي مانيب جاحد معاريف=علمتني معنى الوفا.. والسماحه
لكن ترى ماجاك عني تخاريف=مخطي عليّ..ان كنت تبغى الصراحه!!
عليك في ليل الشتا.. وارقد الصيف=يمدي صويب القلب تبرا جراحه[/poem]
|