|
................ سـلام الله على برقـا وروق ...
[align=center]أسعد الله جميع اوقاتكم بكل خير
هذه القصيده القيتها في ملتقى الهيلا وبالتحديد في الامسية الخامسة التي جمعتني بكل من الشاعر الكبير / لافي الغيداني والشاعر المبدع / مشعان البراق والشاعر / هملان الشيباني ..
واتمنى أن ترتقي لمستوى ذائقتكم ...[/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ملتقى الهيلا يجي للشعر بين الناس ذوق=ما تسمع الا النادرات المحكمات ابياتها
تسمو بها أفكار توصلها سما الابداع فوق=تبدي بها مبدا النجوم البيض مع طلاتها
والشعر له موعد وله واجب وحق من الحقوق=يوم القصايد ما تجمل غير في حزاتها
يتعب لها الفكر السليم اللي على الجزله سبوق=يختار من شرد نوادرها ومن جزلاتها
والجزل سلعه نادره ما ينوجد في كل سوق=مثل الذهب تدعم به بنوك الدول عملاتها
واللي يقول الشعر واهل الشعر مافيهم فروق=غلطه ، ولكن من يعدل الناس عن غلطاتها
ما كل من يكتب يوفق في المعاني والطروق=واكبر دليل ان العرب ضاقت فضائياتها
احدٍ يجيب النادره واحدٍ يحوق الشعر حوق=لكن يا قل اليدين اللي بقت بصماتها
بعض الخيـال يزل من منشاه مابل الحلوق=لو ان برقه كل عين تلـد له نظراتها
والكلمه اللي ماعليها لا قدوح ولا طقوق=تجمل الشـاعر ليـا غنابهـا في اوقاتها
والليله المحفـل عظيم وعن تصـورنا يفوق=مقامه أكبر من قصائدنا ومن كلماتها
كسـاه من هيبة هل الطاله عريبين العموق=هيبة عتيبه في فعايلها وفي وقفـاتها
يشـوش راسي وافتخر في ملتقى برقا وروق=العـزوه اللي للمكارم رفرفت راياتها
قاموا مقـامٍ يبهج الخاطـر عداهم كل عوق=الصف واحد والمكارم نمتلك نقواتها
والطيب ماهو محتكر كلٍ على الطاله شـفوق=والنعم في كل القبايل حيها وامواتها
وعتيبه الهيـلا قبيله لا تخـون ولا تبـوق=تفنى الليالي والقبيله ما خلفت عاداتها
باعناقنا بيعة ولاء يصدق بها القلب الصدوق=والعهد ماهو سالفة ود العلوم وهاتها
العهد ميثاق الرجـال اللي مواقفهم تشـوق=للمملكه وآل السعود ملوكها وحماتها
حب الوطن يجري مجاري الدم في وسط العروق=متوارثينه في رخا الدنيا وفي شداتها
اليا برق لاهل المكايد في سـماء الفتنه بروق=حنا سيوفٍ للبلاد ليا عتزوا قاداتها
نوفي ولو نقصـر عن الواجب يعد أكبر عقوق=ما يختلف مبدا رجالٍ تحتمي قالاتها
واختامها مني سـلام الله على برقـا وروق= العزوة اللي للمكارم رفرفت راياتها [/poem]
[align=center]وسلمتوووو[/align]
كم رفيقٍ تحسبنّه رفيقك لين بـار=وأتضح لك صافي الناس من مغشوشها
وكم هبيلٍ كلمته (مارتين) بلا عيار=كل ماجات السوالف نتش ناتوشها
.
|