منتديات المرقاب الأدبية - عرض مشاركة واحدة

04-11-2007, 09:38 PM

:
:
:

بعد نشر الجزء الأول .. والثاني ..
لا تزال العين .. ترتقب .. مقتل .. الجزء الثالث .. !
فـ ( الحروف .. تقتل حين تقال )

:
:

فما زالت ..على هوامش الذكرى .. ترتقب عامها الخامس ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
قالهـا شامـخ علـى الله ..ياعنيـدات اللـيـال=ماحوى مقبل سنينـي ..يجبـر الجـرح الدفيـن
لا تلاشت لـي مصيبـة .. حملهـا هـد الجبـال=تبتـدي ثانـي مصيبـة .. قـو الأولـى مرتيـن
العمر رحلـة تجـارب .. والوفـاء كلـه خيـال=والزمن لو طال عمره ..مابقـى شـيء ٍ ثميـن
عمت الفوضاء بدربي .. والرجوع اصبح محال = والمكان اللي حواني .. ( صرختين و دمعتين )
المساء هـذا كئيـب .. وذكرياتـي بـه طـوال=والثوانـي ..والدقايـق ..بالخـطـى متثاقلـيـن
والسماء ضمت قمرها .. مع بـزوغ اول هـلال=((شهر خمسه)) والدموع الغاليه بالوجنتين
الفتاة اللـي سكنهـا العيـن ..واجفونـي ظـلال=اعزفوا ليلة كفنهـا .. نغمـة الصـوت الشجيـن
والله انه مـا نفعهـا ..لـو تصـل حـد الهبـال=والله انـه مـا منعنـى ..غيـر رب العالمـيـن
قـدر الله ..وانكتـب عنـوان هـذا الـحـب زال=والقـدر لا حـل حكمـه ..كلنـا لـه مذعنيـن
كنت شاري حبهـا ..فيـه الدلـع ..فيـه الـدلال=لكن انه ينتهي حـب انعمـر طـول السنيـن..!؟
هذا والله .. هو سبب خوفي .. وجرحي .. والهوال=هذا والله .. هو سبـب دمعي..وحزنـي والونيـن
هذا والله .. هو سبب ما حدنـي فـوق احتمـال=يوم شفت الموت .. وانتي يا حياتي ترحليـن ..!
ان رحلتي .. ليش بأبقى ..والقمر شد الرحال..!؟=وان بقيتي.. ليش بأرحل .. والقمر تـوه مبيـن؟؟
وان سألتي ليش بأرحل ؟؟ قلت لك هـذا المقـال=((الرحيل اسهل طريق ٍ ..لأجل ماتبقى سجيـن ))
وأن سألتـي ليـش تتركنـي بساحـات القتـال=قلت لك ما تّـل قلبـي ..غيـر نـاس ٍ خاينيـن

الخطا غامض .. ولكن .. تسمحي لي بالسؤال=هل رضيتي يوم قالوا .. ( هل بغيري تقبلــــين)؟؟
كانك انتي راضيه .. ما عـاد باقـي لـي نضـال=لأرتحل عبر الصحاري ..وانتهـي وابقـى حزيـن
لأرتحل عن دار حايل .. واهجـر ادروب الشمـال=لو بها نـاس ٍ عزيـزة ..فـي غلاهـم واصليـن
لأرتحل فـوق الخيـال ..ولأندثـر تحـت الرمـال=ولأنتهي عن كـل سكـة ..فـي دروب العاشقيـن
وكانك انتـي رافضتهـم .. واجبـروك ِ بالحـلال=واصدروا عقد النكاح .. ولا سألو _ هل ترفضين )؟
الله اللـي راد يـا عيونـي ..ولا فيـهـا جــدال=واسحبي ذيل الهزيمـة .. وافعلـي مـا تؤمريـن [/poem]

[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مادريت الا كـــروت افـــــــراح ..تدعوني تعـــــال=حفلها ليـــل الثلاثــــــاء ..والخبـــر صبح الثنــــــــين[/poem]

لاااااااااا

[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

لا ولايمدي ..ولايمكـن.. لتحقيـق الفصـال=دام باقي ليل واحد ..يا عيوني وش تبين .؟؟؟
أومريني ((شخص)) طايـع ..قيـده وقتـه غـلال=واقتليني وسط دارك ..واشربي دمي الل؟يـن
دامني عن ديرتي يـا بنـت قطّعـت الحبـال=كيف ابدري للفرح يا بنت وانتي تعرفيـن ؟؟
اعذريني ..مادريـت الا بكسوفـك والـزوال=اعذريني ..ماجداي الا صدى صـوت الأنيـن
واعذريني .. لو رحلت وغادرت سفن الوصال=واعذريني .. لو قطعت الوصل بالناس اجمعين
واعذريني لو سقيتك من بحر هجري زلال=واعذريني كانك انتـي يـا حياتـي تعذريـن
واعذريني يا حياتـي ..كـل ماجالـك مجـال=واعذريني يا حياتي قد ما انتي تقدريـن ...!؟
والا انا يا عزتي لي ..حالتي ماهـي بحـال=زين اكمل بعـدكم يانور عيني ليلتيـن
وادري ان صرت بغيابك.. وفي ٌ لا يـُطال = للوفاء مضرب مثال ٌ في علوم الطيبين
واسمعي بآخر قصيدة .. بعدها قطع الوصال = بعدها .. مافيه شيءٍ يربط لآخر يقين ..!
( الطموح اللي بنينا ) ينهدم قبل الزوال) = ينهدم قبل الغروب .. ويندفن حلم الثنين
( ينهدم لأجل الشريعة ) ( ينهدم لأجل العدال ) = ( ينهدم لأجل الأماني ) ( ينهدم لأجل السنين)
( ينهدم يأول حبيبه ) ( ينهدم يأغلى غزال ) = (ينهدم ياأجمل عيون ) ( وينهدم يا أوفى ضنين )
ينهدم .. لأن القلوب أولى بتحقيق المنال = ينهدم .. لأن التعازي ما ترد الميتين

:
:
:
:
:

مابقى غير الوداع .. وكفني حسن القبال = وسامحيني كل لحظة .. واسمعي هالكلمتين
و الله انه ما ملأ عيني .. بعد حسنك جمال = والله انه ما سكن قلبي بعد رحتي عوين
بأوعدك ..يبقى مكانك والهوى ما اعطيه بال = ولايحرك من شعوري بنت .. واحلف لك يمين
أرحلي والله معك في غيبتك والارتحال = وارحلي ..لآخر مدى والدرب ( ورد وياسمين..!)
ارحلي ..بالذكريات وباقي الحب الـمُـزال = وارحلي.. تكفين لا يردك على الشامخ حنين ..!
وارحلي .. واتجاهلي كل الكلام اللي يقال = لو سمعتي ( حال شامخ ماتسر الناظرين ..!)
صدقيني .. لو تشوفيني على جرف ٍ هيال = ما انتظرت .. الا وانا اعرف وش يكون المسلكين ..!
صدقيني .. ( مرحلة بتـُمر ) والصبر ابتذال = بأبتسم رغم الجروح .. ولاعقدت الحاجبين
صدقيني .. لا سمح قلبي .. بأدور لك بدال = يا عسى قلبي يلين .. ويا عسى ربي يعين ..!
من شبابي والحزن .. في خوته خوة رجـال=مايفارقني .. ودايم عن يسار وعـن يميـن
لاغفيت اشوفها بالعيـن .. تبكـي للطـلال=ولا صحيت .. اشوفها قدام وجهـي باليديـن
اكتفيت ارجوك يا سْنيني .. عذابـي لايـزال=يا عذابي .. وش بقى بي يا سنيني تجرحيـن ؟
كيف اصدق ما حصل لي .. والله انه كالخيال=كيف اكذب والنواظر ..والجوراح ..شاهديـن
انتبهت لدنيني .. والحزن مدري ليش طـال؟=واعتزيت .. وقلت يا الله عن كلام العاذليـن
لو خذلني في تعاملهـم .. ردييـن الرجـال=و الله اني ما اتهاون .. عن علوم الطيبيـن [/poem]

ولا زالت .. على هوامش الذكرى .. تنتظر !!