يا طيّب القلب يوم أنّـي فتشـت القلـوب
الرفقه الوافيـه يضـرب بـك أمثالهـا
كم صحبة ٍ لا أحتمت شمس القوايل تذوب
وصحبتك صم الصخر يكسر على جالهـا
المرجله تحت ظلك وأنت رجل محسـوب
وأكيـد مـا للمراجـل غيـر رجّالـهـا
يوم أنّها عند غيرك من نجـاح لرسـوب
عندك شهاداتها مـا عـاد يبغـى لهـا
جنابك السمح ما شفنا به اللـي يشـوب
منك المكـارم تبـثّ ونلقـط إرسالهـا
يا الغالي الوافي الشهم الكريم الرحـوب
شخصيّتـك فـي زمنّـا قلّـت أشكالهـا
سبحان من يلهمك عند اللـوازم تنـوب
حباك نفـسٍ كسبـت النـاس بخصالهـا
تحمل مزايا كثيـره يـا قليـل العيـوب
جمايلـك وأنـت راعيـهـا وجمّالـهـا
مثلك وشرواك يثّر في حيـاة الشعـوب
وأن قيل من قالها قـل صاحبـك قالهـا
صح السانك يادكتور
عزالله مدحت من يستاهل
مبدع من القصيده الى التوقيع
وأنا معك للصالح الخـاص والعـام
أشدّ حيلي وأصفـق القـوم بالقـوم
ما عاد لي لازم في تفسيـر الأحـلام
خلاص عينـي حاربـت لـذّة النـوم
تحياتي لك
|