منتديات المرقاب الأدبية - عرض مشاركة واحدة

23-11-2007, 02:33 PM

يا برد الليل مـا ترحـم عيونـي
همومي والسهـر منـك كلونـي
ليا جيت اطـردك قمـت آتـردد
ورحت آجرّ فيـك آخـر لحونـي
عشانك مخلصٍ ويـاي .. جعلـك
بعد نـاسٍ تذكـرت .. ونسونـي
يـا وقتـي لا تـروح ولا تعـوّد
تريّح في نظر ضحكـة سنونـي
امـوت بعـزّ وامجـاد وكرامـه
ولا . اعيش بلياليـك امغبونـي
ليا شان الزمن .! ما شان طبعي
وربعي لا بغـو منّـي .. لقونـي
عسـى ربّـي يجمّلنـي معاهـم
على تفكيـري وشكلـي ولونـي
سمحت امن الشقا والهـم لكـن
درعت بسيرة الغـض الفتونـي
علـى جـال المواعـد والمحبّـه
مع المحبوب .! ما خابت ظنونـي
يجيني كل ما ارقد .. في منامـي
ولامن قمت .؟ لحّفتـه جفونـي
عطيته هجسي وبدعـي وقافـي
وعطاني شيّ .. غيره ما عطوني
الى من قلت ابي قربك وشوفك .!
ما حط العذر من دونـه ودونـي
احبـه والمحبّـه مـن ضميـري
عيونه عقب شوفـه .. كبلونـي
ليا من جا .. يجسّ النبض فينـي
على فرقاه .. ويقلّـب شجونـي
يغنّي لـي ( توادعنـا ) وأغنّـي
(عسى ربّـي يخليـك لعيونـي)
تغيب هموم صدري فـي دقيقـه
ليا من دق .. ينشدنـي شلونـي
من عيون العرب .! فأغلى قصيده
تكفينـي عيـونـه لا قـرونـي
لو انّه جاني امن اسهـل طريقـه
لكنّـه حمـل .. شالنّـه متونـي
عسى ربّـي يطولّـي .. بعمـره
وعمر اللّي لوصله .. وصّلونـي

يا زينها زيناه يا ناصر

صح الله لسااانك مليون ولا هنت

ياخي كل ما تكتب يزيد الاعجاب واصر على المتابعه

لكن تدري

عساي ما اقصر في الرد على قصيدك وتسجيل الحضور لاني كل ما قلت شي احسه قليل في حقها

صح الله لسانك ولا هنت

متابع لك