مساكم الله بالخير....

عوده بعد غياب .....

قصيده تشرفت بألقائها في تجمع قبائل يام....

صلو على النبي,,,,,,,,,,,,,,,,,,,,,


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

سلام مني على المجلس وجلاّسه= اعداد ماذعذع الغربي بنسناسه

واعداد ماهلّت المزنه بشايرها=واعداد ماداج فالقيعان عسّاسه

واعداد كيف الرجال اللي من الدلّه=واعداد نجره ومقياسه ومحماسه

واعداد صوت العزاوي ساعة الهيّه= واعداد ضرب القنا والدرع والطاسه

واعداد ماتحتمي يام لمضاربها=واعداد من يعتزي في ربعه وناسه

يقولها اللي من الطنخه رفع صوته= واسرج قصيده على فكره وهوجاسه

والشاعر اللي ماهوب يجمّل المعنى=ليته جلس واستراح ووفّر احساسه

دامه مايذكر وقايع جدّه وعدّه=ماهوب لازم يبيّن للعرب راسه

واهل الجمايل تجمّلها فعايلها=يوم الردي همّه فكشخته ولباسه

واليوم ماهوب موقف كشخه وصوره=ولاّ قصايد غزل وعيون نعّاسه

اليوم يوم القصيد اللي على حلّه=ياتيك مثل البحر ماتعرف قياسه

يايام..يايام ويش اقول واخلّي=مادام تاريخنا الأمجاد نبراسه

يام الظفر والسطر والعز والهيبه= يام المعارك لادق الحرب بجراسه

يام الوفا والثنا والطيب والفزعه=يام العريقه فخر راسي ونوماسه

منهو حكم في عدن وأحكم منافذها=وثويني الترك منهو حد من باسه

ومنهو كسر شوكة محمد علي باشا=ومنهو هزم جيشه وجنده وحراسه

ومنهو يثبـّت حكم دوله بكاملها=ومنهو يشل الحكم لازاد غطراسه

لامن رضينا رضا الحاكم على الدوله =ولامن زعلنا نهد الحكم من ساسه

أفعالنا من قديم الوقت معروفه= يصعب علي حصرها في وسط قرطاسه

ياما على العز رزينا بيارقنا=وياما أعلن اللي يعادينا عن افلاسه

ماجات بالحكي ولاّ قالو وقلنا= ولاجات من كذب ولاّ جات بخلاسه

جت بالسيوف الحداد اللي وقايعها= تقطع وريد الضديد وتقطع انفاسه

أقولها بالنيابه عن هل السمرا=قومٍ على الضد بيّاعه ومدباسه

عوق الخصيم وعماه وطمس طاريّه=ولاّ الرفيق الموالي تجلي أعماسه

وكل القبايل كفو مانيب حاقرها= يقولها الشاعر اللي ماغبا راسه[/poem]

وسوالم....