السلام عليكم ورحمة الله
قصيدة قديمة
وتكرر حلها

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هب البراد وبشر الوقت بالخير = والغيم في جوه تزبر سحابه
نسمع على رفحا وبلقان وعشير = ديموم سيل و كل طايف حكابه
يالله من المنشى على (عليه) يسير = ازفول نون إيتقارع ضبابه
يهل وبله مثل ضرب المسامير = يقطع على الشعبان بأعلى هضابه
لحيث ماتعرف عسوس ومداوير = احزوم صيد يزبن الي وزابه
وانشوف زفق العشب فيها مزابير = أتقول داخل في دهاليس غابه
خلاص مايحتاج للوضع تأخير = يا لعنبو رجلن ما يغنم شبابه
قررت اشيل العفش فالحال واغير = جاهز ولا يحتاج عندي حزابه
والجيب ربعن من الامارات تصدير = يحرم عليه ماحدن قد مشابه
وخوت نشاما طيبين مناعير = أما من اقصى الناس ولا قرابه
يازين لا شفنا الجوازي مدابير = مايسلم الي راح ينقل صوابه
بمضلعن مسلوب والمخمس قصير = اتجمل القانص وبالي غزابه
انزل وشب النار في حزة عصير = في مدركن كن الزوالي ترابه
والنجر يصقع والغواري مناحير = تقطع وازل الفصل وأشخل سرابه
نحلّق ونشرب من قناد المباهير= فنجالها يدرج ونثني شرابه
وسوالفن يبدابها شيخنا الزير = هل القصايد ثم جر الربابه
والعشا من صيد حر الصقاقير = اضغط وشو واحنذ ولا به غرابه
انا أشهدن للعمر لذه وذي غير= اغنم شبابك قبل يطوى كتابه
ما يسعد الرجال جمع الدنانير= المال ينفد لا تحسب حسابه [/poem]