لاسامـر الليـل راع القـال والقيلـي
يسمر مع الله علـى شفـه ومطلوبـه
ماهـوب نمـام والا راعـي نقيـلـي
والا ليا اقفى جليسـه حـش عرقوبـه
يشهد عليه القمـر والجـدي وسهيلـي
ومحرابه اللي بنـاه بمـروه وطوبـه
ويشهد على فعلـه اكـرام المشاكيلـي
ماعذربـوه التقـى والديـن عذروبـه
ريف اليتاما علـى قُـل المحاصيلـي
يقسـم لهـم لقمتـه يكسيهـم بثـوبـه
وبنا المساجد علـى تقـوى وتبجيلـي
لعلهـا مزبنـه فالحشـر وكـروبـه
ولعـل قبـره جنـان ورود اكاليلـي
ويسقيه ربي بمزنـن تبـرق نصوبـه
ويظلـه الله بعرشـه خيـر تظليـلـي
في يومن انفاس الانفس فيه محسوبـه
من عاد عقبـه بتـال الليـل يدعيلـي
ويقـول يالله يربـي سمـح دروبــه
عزالله انـي فقـدت اغلـى مناهيلـي
لكـن الاجـال محسوبـه و مكتوبـه
والديره اللي عساهـا ماطـر السيلـي
اللي منـول ربيـع القلـب وعشوبـه
اللـي لهـا منـول اقدامـي مقابيلـي
لابطيت لاكن عروق القلـب مجذوبـه
كل اخر اسبوع اجيها شايلـن حيلـي
ماحسب لشمس الهجير وحر لاهوبـه
اليـوم ماعـاد لـي فيهـا مداهيـلـي
و ان جيتها ضيف نهج الضيف واسلوبه
طرقي عجل قبـل لايمسينـي الليلـي
تقول مستاحش مـن الليـل وغروبـه
من عقب بيتـن مـزارن للحلاحيلـي
له مجلسن يكـرم الضيفـان لاجوبـه
اليوم امـره ولاتهـزع لـه ارجيلـي
مغير اسلم مـن بعيـدن علـى طوبـه
فالديره اللـي لهـا خفـت مواصيلـي
ماكنها اللي في وقتن فـات مرغوبـه
سلام يا ديـرة اهـل البـن والهيلـي
يادار ربعـي ياعـزوة كـل مهيوبـه
ياهل السيوف الرهاف وياهل الخيلـي
يوم الطـراد بسلايـل كـل منجوبـه
لاابطيت ماجيت والا اقفت مراسيلـي
والا تشاغلـت فـي وقتـي وفتعوبـه
ماعاد لي شفن اطـو الكيـل والميلـي
من يوم غاب اللي اتعب لجل ماجوبـه
:
:
صح السانك ورحمه الله واسكنه فسيح جناته
|