أحبتي في منتدى المرقاب الراقي
السلام عليكم ورحمة الله وبركاته
بعض الزملاء يكلّموني من المشاعر يسلّمون
ويقولون ليتك مابعد تقاعدت وليتك معنا
طبعاً هيّضو مشاعري وكانت هذه الأبيات

[poem=font="Simplified Arabic,6,blue,normal,normal" bkcolor="transparent" bkimage="backgrounds/17.gif" border="double,4,darkblue" type=2 line=0 align=center use=ex num="0,black"]
ياذيب سلّم على الربع ياذيب=بلّغ لهم مني سلام وتحيّات

حيث إن للخوّه حقوق ومواجيب=والطيب ما يحداه بعد المسافات

وإن كان حال البعد دون المناديب=نرسل على الجوّال وإلاّ عرب سات

ياونّتي ونّة جديد الأصاويب=إليا غفو كل المخاليق مابات

أون مثله والحشا به لواهيب=يوم أفتكر ربعاً لنا راحو أشتات

ياما تخاوينا على العز والطيب=رحنا وجينا في صعيب المهمّات

خوّة نشاما واحترام ومواجيب=ميزانها وافي بكل المجالات

واليوم حال الوقت دون المطاليب=نرجو الوصال وساعة الوصل ماجات[/poem]

ثنتين ماتخضع لتدقيق وحسـاب
لنّ السعودي حطّها في حسابـه

الأوّله دستورنا شـرع وكتـاب
نمشي على نهج النبي والصحابه

والثانيه حب الوطن قبل الاحباب
مكتوب في قلب السعودي كتابـه

لامن خذا يومين في دار الاجناب
ما يهتنـي حتـى يقبّـل ترابـه