السلام عليكم ورحمة الله وبركاته ... اخواني واخواتي اعضاء منتدى المرقاب


يسعدني اكون معكم في هذا الصرح الشعري الشامخ ... واتمنى ان انال اعجابكم .. او على الأقل رضاكم






ويسعدني اشارك بقصيدة من الجديد


[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مات القلم واستسلم الطرس للصمت= وجف الحبر واللي كتبته.. نسيته
البارحة جاني خيالك ولا نمت= وحلم السنين يكذّب اللي لقيته
ماتشبه إلا الوقت لامن توهمت= فيه العشم ثم شفت.. مالا هقيته
سلمت لك امري وعمري وسلمت= كل ما ذخرته للغرام وجفيته
اخلصت لك وأوفيت بالوعد وأقسمت= بأنك هوى قلبي وحيّه وميته
بنيت لك صرح المحبة وهدّمت = كل اللي بصادق شعوري بنيته
خسرتني وبسألك .. وش تعلمت ؟ = ويش الذي عقب المفارق خذيته
إلى متى وانا ألومك .. ولالمت = قلبً طلب مني غلاك وعطيته
لاتحسبني طبت ساعة تبسمت = ولاّ رضيت بحكمك اللي قضيته
تعال وأقتل بسمتي لو تكرمت = تعبت أجامل جرحك اللي جنيته[/poem]



وسلامتكم