مرحبا يابن عمي
وحضورك مختلف
وكسرت قلبي عزالله
ماني على بعض المداهيـل مجبـور
طرّت علـى قلـب العنـا ذكرياتـه
مريتهـا رايحـتٍ حطـام ودهـور
ماكـن حـيٍ عـاش فيهـا حياتـه
وقفت فيهـا تايـه الفكـر مذعـور
اراجـع الماضـي واجمـع شتاتـه
ابحر مع الهاجوس من غيـر بابـور
تصفق بي امواجه على اربع جهاتـه
لو همت في بحر الهواجيس معـذور
الوقـت دايرتـن عليـنـا رحـاتـه
سود الليالـي تطحـن مالهـا سـور
كـم واحـدٍ منهـا يهـل عبـراتـه
فالحزن والافـراح جايـن لهـا دور
واللـي جهـل فيهـا خطيـرٍ بياتـه
اترجم الواقـع باحاسيـس واشعـور
شاعر يعبـر عـن شعـوره وذاتـه
يطلع بجزل الشعر من طور في طور
تلقى الكلام العـذب فـي مفرداتـه
يذكر لـه ايـامٍ قديمـات وعصـور
وجب علـى فكـره يحضـر بناتـه
والشعر حبك وسبك ووزان وبحـور
ماكل مـن سـواه يحسـن سواتهـا
وانا احمد الله ماعلى شعري قصـور
كمـل نصابـه ولزمتنـي زكـاتـه
مامدام الي في ساحة الشعر جمهور
يافكر مايطري علـى القلـب هاتـه
في موقعٍ خالي من النـاس مهجـور
شدوا هلـه واقفـوا بـدون التفاتـه
كلٍ عطى له درب مع شقـة النـور
يالله دخيلـك مـن حيـاة الشمـاتـه
في مامضى كلـه بساتيـن وزهـور
واليـوم ميـت مـن جـذوره نباتـه
مافيه غير وحوش عقبـان ونسـور
وقليـب راع المزرعـه ونخـلاتـه
قضيت فيها ايـام وسنيـن وشهـور
يـوم الصبـا والغـي ومناوشـاتـه
يمر يومـي كلـه افـراح وسـرور
مازلت في ذكـراه واطعـم حلاتـه
الله علـى دنيـا الغرابيـل والجـور
من سانعت له يـوم تشقـر عصاتـه..
الله الله الله الله الله
مرزوق بن جريس
قصيده فوق الوصف مدري على شانها تلامس احساسي
صح لسانك الى مالانهايه
لك تحيات اخوك
دمت بخير
|