خالد سعد الدوسري

مات القلم واستسلم الطرس للصمت
وجف الحبر واللي كتبتـه.. نسيتـه
البارحة جانـي خيالـك ولا نمـت
وحلم السنيـن يكـذّب اللـي لقيتـه
ماتشبه إلا الوقـت لامـن توهمـت
فيه العشم ثم شفـت.. مـالا هقيتـه
سلمت لك امري وعمري وسلمـت
كل مـا ذخرتـه للغـرام وجفيتـه
اخلصت لك وأوفيت بالوعد وأقسمت
بأنك هـوى قلبـي وحيّـه وميتـه
بنيت لك صـرح المحبـة وهدّمـت
كل اللي بصـادق شعـوري بنيتـه
خسرتني وبسألك .. وش تعلمـت ؟
ويش الذي عقب المفـارق خذيتـه
إلى متى وانا ألومـك .. ولالمـت
قلبً طلب منـي غـلاك وعطيتـه
لاتحسبني طبـت ساعـة تبسمـت
ولاّ رضيت بحكمك اللـي قضيتـه
تعال وأقتل بسمتـي لـو تكرمـت
تعبت أجامل جرحك اللـي جنيتـه



ابو متعب


حي والله ذا الراس

مرحبا بك هنا بين اخوانك و ربعك يا مبدع ..

و عز الله اني فرحت بوجودك هنا ..

و القصيده ذي ( درّه احساس ) ..

صح لسانك مدد .. و لا هان بدعك ..

تقبل مروري و اعجابي ..

دمت بخير ..

*
*
*

.
.

شاعر ورقْه الزمان و منهجه حبره ــــ يذبح سمان الدروب و يكرم آماله ..

ما جا يدّور ورا قيفـانه الشـهره ــــ سرّاه ليل القصيد .. و جا على فاله .. !

kh.saad@hotmail.com


.
.