عبداللطيف الغامدي

سهل القصيد الزيـن مـا يقنعكـم
امـا المعقّـد حالـه ابداعيـه !!
حالة مرض يلعـن ابوهـا حالـهم
ابـه دوا للعـقـده النفسـيـه
اجل يجوز ان الكـذاب يصـدق؟؟
وتكذبـون الصـدق والعفويـه؟؟
خربتوا افكـار الجميـع وخربـت
اراء كـل السـاحـه الشعبـيـه
كل ٍ رسم له فـي خيالـه صـوره
واهتم في المنظر وفـي الخلفيـه
يلـطـخ الالــوان وردي وازرق
ولا شفتها واليـا انهـا بنيّـه !!
الغيـم فيهـا والجبـل والشاطـي
والفـرد والرشـاش والجنبـيـه
آيه تعـب جـدا وجـاب جهـوده
واضفا عليها الخلطـه السحريـه
ولا جيت بتحلـل بعـض مافيهـا
أوعدك مـا تلقـى بهـا ماريّـه
لو تسأله هذي وشنهـي؟ جـاوب
هذي سبـب للصـوره الرمزيـه
طيب وهذي ؟ قال هـذي مـدري
لكنهـا تصلـح مـع هـاذيـه !!

الله لله الله الله يبو عبدالله

تحليل عبقري بسيط غير متكلف يدخل القلوب من اوسع الابواب

يعني شعر صح صح صح

صح لسانك صح لسانك عدد حروفها

وبيض الله وجهك

محبتي ومتابعتي واحترامي ياكبتن

اخوك واحد جمهورك العريض