قصيدة في الشيخ / حمد الرقيب
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالحروف اليعربية يالفعول المعربه = يالفصاحة والدرر يالحسن والبحر الغزير
من يلومك لا غديتي عاجزة مستصعبه = دام قدمك راعي الفزعات زبن المستجير
دام ممدوحك حمد نسل الحرار ومنسبه = من يلومك لا غديتي من شوير اليا شوير
سيدي والشعر دامه من المولى هبه = احمد الله يوم انا شاعر وقيفاني تغير
سيدي ياسيدي بطلق عنان الموهبه = في جنابك والقصايد في جنابك غير غير
ياسلام الله على اللي لا تحرك موكبه = شفت كيف المرجلة وشلون عالدنيا تسير
ياحمد والقلب لازادت همومه مرتبه = ارسمك صورة واسمي واعرف الدنيا بخير
من نشد منهو حمد ماهو بلاقي أجوبه = ذي عبارات التمدح عن سواله تستشير
وش تقول الالسنه او وش تلم المكتبه = دامه المدهال والنوماس والسيف الشطير
من خلالك يالزمان و من نتاج التجربه = مالقيت المرجلة غير بْوصوفك يالامير
ياأساطير الزمن كلٍّ مكانه يقضبه = ذا حمد أسطورة العصر البدائي والاخير
جيت ظني بختصر اسمه وفعله اكتبه = والنتيجة ما كتبت الا قليلٍ من كثير
لا نطقت البيت وافي قام فعله يشطبه = لين بكّم من فعوله حنجره واجهد زفير
والختام المعذرة يالشيخ شح الموهبه = ادري ان القاف مايوفي جنابك يالامير[/poem]
|