غازي البقعاوي

موضوع دسم مشبع بالوصف بابيات من ازمنه مختلفه
وشعار مختلفين
وكلها تجتمع على الاشاده بمكانة القهوه عند العرب وخصوصا اهل البوادي والقرى
واشكرك على هالجهد الواضح بجمع الماده
لك تحيتي

واحب ان اهديكم هذه القصيده

[frame="1 50"]وصف القهوة للشاعر غازي بن عون الرويس العتيبي[/frame]

[poem=font="Simplified Arabic,7,orange,bold,normal" bkcolor="transparent" bkimage="backgrounds/37.gif" border="outset,4,gray" type=0 line=0 align=center use=ex num="0,black"]

ياريف قلبي للمسايير قم شب =وحط المناره في طويل الظلالي
عقب تشق الها لجزل الحطب جب =وهات النجر واحضر جداد الدلالي
ثــلاثٍ الهن راعي الكيف يطرب = وسوطهن ضمّر والأخر جلالي
وابطونهن ما اخذن اسبوعٍ عن الرب=وجنوبهن صفرٍ تلالا تلالي
والرابعه ملقامة لونها اصهب=حيث انها للنار دايم تصالي
فليا جبت كل اشروطها اللي تطلب=اقعد عليها يازعيم العيالي
واحمس لنا برية حبها اشهب = وبهارها هندي وماها زلالي
واعرف ترى قانونها ما يخرب=وندارها ينقى وماها يكالي
وتراه ما يصلح لها كل مذهب = ولا تقبل الراضه ولا الأعتجالي
واليا حمست احرص على حمسة الحب=واعرف ترى الحمسه تبي وسع بالي
تاخذ على ادنى الجمر فتره تقلب = لين العرق يطلع سواة اللوالي
ومن يـوم يطلـع فالمبرد لها كب = لين الندار الكان فيها يشالي
واليا خذت مقدار للنجر قرب=ودنه بصوت يسمعه كل غالي
دنه وخله للمسايير يجذب = لا قام صوته للنشاما يلالي
يوحونه الجيران لاقام يقنب = يوحيه الأقصى والقصير الموالي
وعقب تدق البن لقم وركب = لين انها تسمح من الأجتوالي
وقبل تبهرها عن النار تجذب = وتركد شويه لين يصفي الحثالي
وبرويد في حدى المباهير تسكب = من عقب غال الهيل فيها يهالي
واعرف الـيا بهرتها يالمشبب = تراه يكفيها من النار صالي
ثم اجذها من يوم للهيل تقلب = ومن يـوم تركد صبها للرجالي
حتى يجي الفنجال منها اليا صب = بين الشقار وبيـن لـون الشعالي
اما اشقر رايب مثل بول الأرنب = والا اشعل يشدا لدم الغزالـي
يطرب لها من كان للكيف يطرب = كيف النشاما اللي من العيب خالي
واعرف تراها عادة ما تسيب = ولا ينتقدها الا قصر الحبالي
واحرص تخلي عادة الجد والأب = ما هم عليه اول عليه انـت تالي
تراك من كل المناسب معرب =ما بين جدان وعمام وخوالي
وابيك عن منهاجهم ما تجنب = انكان فكنّك بنات الليالي[/poem]