الاحبه في مرقاب الشعر والأدب


تقبلوها لــ التواصل بعد الغياب


[poem=font="Simplified Arabic,5,green,bold,italic" bkcolor="transparent" bkimage="backgrounds/15.gif" border="double,4,gray" type=2 line=0 align=center use=ex num="0,black"]

لا تحسـّب انها على مأنت متـصوّر= والله انّها اثقل من طويق وتهامـه !
كايده بالحيل والوقت المجـوّر= فيه تكـشـيـره وعبـّره وأبتـسـامـه
من يبيع النوع الاصلي بالمزوّر= في النهايه يسحب اذيال النـدامــه
كم نصحتّك يا حبيبي لا تهوّر=وان فعلـت الله حســيبك يالغـشـامه
والذي سوّاك وابدع بك وصوّر= ما نظـرتـك غير بإجلال وكرامـــه
ان بـقيـّت بمحّـجر العين المدوّر= وان رحلـّت ارحل وتصّحـبّـك السلامه
الآكيد ان الوجود ابـّهـج ونوّر=والعـدم يأخذ من الليل وظلامــه
بس لا تنـسـى ترى المبنـى مسـوّر= من سكن به عايش(ن) مرفوع هـامه
من صدم في حايطه طاح وتعوّر=لا..ويمـكن طيحـتـه تكّـسر عـظامــه
ما كرهّت اعيش في جو التّـطوّر= مير ما هانت علّـي الانـهـزامــه
كل ما زاد الوله والـدّم فـوّر=قلت حسـّبك كل شئ إلإ الكـرامــه


مفرح بن بداح =[/poem]