منتديات المرقاب الأدبية - عرض مشاركة واحدة

06-02-2008, 01:06 AM

رقيت ضلع الغـلا لجـل الغـرام ونزلـت
رقيت له عارفـه .! لكـن نزلـت اجهلـه
يا ورد الاشواق من يسقيك لا مـن ذبلـت.؟
اعذرني امن السراب اللي عجـزت آصلـه
سوّيت .. لكـن علـى مـا قـدّر الله قبلـت
وحاولت ادلّه ضميري بالسفـر .. مـا دلـه
مصيبه اليا على حاجـه .! تعبـت وعملـت
وتروح لإنسـان ماحـاول .. ولاهيـب لـه
مشكور ياللي عطيتك مـا عطيتـك وشلـت
عنك المصايب وقلت الـك الزمـان إزهلـه
ماني مصدق عيونـي ليـن جيتـك وقلـت
هذا انت .؟ حتى الكلام ازريـت لا اكمّلـه
ما فيه داعي تبرر لي غلـط .. مـا فعلـت
كلّ المعاذير .! ما تربط خطـاك ب..صِلـه
يا كثر ما اخطيت في حقّي وانا مـا زعلـت
حتى الخيانه .! لها عـذر . وقـدرت أقبلـه
سامحت غلطاتك الاولى علـى انّـك عقلـت
واثر الجنون الهله .. واثـر العقـل لآهلـه
بيدي عمرت المحبّه .. وانـت بيـدك قتلـت
احلامنـا فالهـوى .. وآمالـنـا المقبـلـه
البارحه جيت فـي نفـس المكـان وسألـت
وش صار .؟ ردّ الصدى .. ما فيه احد تسأله
وقام الهوى يضرب اوراق الشجر وانعزلـت
عن عالـم الحـبّ وآخـر شارعـه وأوّلـه

ناصر

مناحي

اسم مرتبط بالابداع والجزاله

والله يا ناصر رائعه وجميله وجزله

صح ابدنك ولا هنت يالغالي

لك كل الود والمتابعه