معاناتي


سجيت انا رجلي بكل المشاوير

وتعبت نفسي بين روحه وجيه

وشغلت بالي في عميق التفاكير

يلعب بي الهوجاس صبح وعشيه

وهاضت بي الافكار مثل الدوافير

قلت اه ياقلبي تريض شويه

الهم وسط الصدر مثل المسامير

يابخت من يقضي حياته هنيه

مدام هذي من سوات المقادير

الله يصبرني واحل القضيه

ماهمني درب العنا والمعاسير

الدرب واحد والليالي مديه

اصبر واقول الصبر درب المناعير

اللي تعيش ايامها واقعيه

متى على الله تستوي بالتياسير

مليت من جور السنين الشقيه


وسلامتكم