[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يللي تبي رآيي ترى الراي مشروط = أخذ الصحيح أبدون ضوضا وتشويش
ماكل شيٍ يطرق السمع مضبوط= بعض الكلام إللي سمعنا خرافيش
الصدق لامن صار بالكذب مخلوط= يثير ضجه في زمان البخاشيش
والعلم بقلوب الرياجيل مخطوط= والُكتب قد مرت بتفتيش .. تفتيش
وتبعثرت مابين ضايق ومبسوط= وطغى بجوٌ الليل حوم الخفافيش
والمبصر أثنا غيبة النور مضغوط= والأغبيا ترى العوارف دراويش
والساقط ابٌيد من يحاليه ملقوط = وأنا لعبت الشعر .. يالاعب الشيش
مدوٌنه والبيت .. بالبيت مربوط= ومشاعري مثل المزون المراهيش
غيث الهجا مابين ساده ومنقوط = نحتٍ على صم الحجر دون تغشيش
أسيٌسه وبنيه نوطٍ على نوط= ماهوبتجميعٍ .. ولاهو بتلطيش
لو الجزا لملطش الشعر بالسوط= أسوط من يبلاه .. وأن زِعل حتيش!
العذر ركبه .. من مطفف ومحبوط = غيرة رجالٍ تتعب الخيل والجيش
تاقف عن العادات حوطٍ .. ورا حوط = سترٍ لمن عينه هدبها عكاريش
يردون والموت الحمر .. خط مخطوط = قطاعة الخط الحمر ساعة الطيش
قانون حاضرنا مضيٌق وممطوط = وأكثر عداه مبعُدين المغابيش
لو مايجي عزٍ من الله مسفوط = ماجاك من روسٍ بليا عراميش
وأتلا الزمن ومخالطة كل مغلوط = ومطاوعة راع الثمان المباهيش
خلا الكبار .. يضدها كل جحلوط = والحُر الأشقر شك فيه أبرق الريش
كم شيخ عربانٍ على الراس مخبوط = في ضف من يجعل على اللوح ورنيش
وأبليس يبغا له من الجيل ساعوط = وإلا نوكل زاهيات الدناديش
يللي تبي رايي ترى الراي مشروط = جاك الصحيح أبدون ضوضا وتشويش ..[/poem]