البدايه عندي انا هادي بن عسكر

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
ياربعنا نبغي جديـد المواويـل=ردودكم تشفي الكبـود العليلـه
الليل بنقضيـه سمـر وتعاليـل=بسوالف تزهى البيوت الجميلـه
باشب ناري واحتسي بالمعاميل=وادق نجر يعجبك فـي صهيلـه
وتمر الحسا باقربه والفناجيـل=وبقهوي اللي يكسبون النفيلـه
وكبش ثروبه كنهـن القناديـل=وعود ازرق فوق المداخن نشيله
ذا حقكـم ياطيبيـن الرياجيـل=واجب علي اني اقوم اعبي لـه
شرواك ياللي قاري للمراسيـل=وصلاة ربي عد وبـل المخيلـه [/poem]
وهذي مجاراة الشاعر ابراهيم بن مريع

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
يامرحبا حييت يـا موفـي الكيـل=ياراعي الجزلـه علومـك جزيلـه
السالفه لا قيلـت امـن المشاكيـل=تطرب لها العرّاف واهل الفضيلـه
وانتم لكم في الطيب مجد ومحاصيل=قبيلـة ياطيبهـا مــن قبيـلـه
ياللي وجارك يشهر بريحة الهيـل=ومفطحـاتٍ فـي صحـونٍ ثقيلـه
دعيتنا في واجبٍ عنـه مـا ميـل=واللي تبيه يصيـر بايـة وسيلـه
ترى طراة العمر وصل الحلاحيل=ومواصـل العـرّاف ياحبنيـلـه
ويابو مبارك جعلها لـك تساهيـل=من مخلصٍ والرجـل قلبـه دليلـه [/poem]

وهذي مجاراة الشاعر شجاع عمر الأكلبي

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
يالله يـامـنـشـي حــقــوق المـخـايـيـل=ولاســـواك أحـــد ٍ يـنـشـي المخيلـه
وتمطر على من شئت عذب ٍ شهاليل=شــيٍ يحـيـر وشــي يـــدرج مسـيـلـه
أطلـبـك تقـدانـي عـلـى طـيـب الـقـيـل=لاجيـت أجـاوب مــن شعـانـي بقيـلـه
هــادي شعـانـي دقــه الـبـن والـهـيـل=بنجـر ٍ يـشـوّق مــن تـوحـى عويـلـه
وحيـثـه مــن رجــالٍ قــروم ٍ دوالـيـل=تنقـاد لــه صـعـب المـراجـل سهيـلـه
نجم ٍ يخيلـه مـن نـوى يسـري الليـل=وياصـل مـراده ماحـسـب بـهـم ليـلـه
وجـاراه مـن لـه لابـةٍ تـركـب الخـيـل=رجالـهـم فــي الـخـوف يـمـن دخيـلـه
ألاد عـاصــم بالـلـقـا تـوفــي الـكـيــل=مــن كـالـهـم بـالـمـد صاع ٍ تكيـله
وصلوا على من جا ختـام المراسيـل=مـحـمــد الـمـبـعـوث راع الـوسـيـلــه [/poem]
وهذي مجاراه الشاعر مشبب العاصمي

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black"]
يا مرحبا يا مقدّم الهيـل و الحيـل=يا هادي العسكـر مزبّـن دخيلـه
تحري بعلم الطيب من جيل في جيل=ويمناك يالمنعـور ماهـي بخيلـه
طيبك ورثته يا ثمين المحاصيـل=وزودٍ على ورثك كسبت الجميلـه
واللي كتبته ما يبـي زود تحليـل=فيه المراجـل واضحـاتٍ جليلـه
وانا ليـا منـي قريـت التماثيـل=من واحدٍ بيطـار جبـت الجزيلـة
واطلب عسى ربي يجيب التساهيل=واقــدم المقـبـول ولا مثيـلـه
وانه يجمّلنـي بوسـط المشاكيـل=ربعٍ على الطالات صارت و كيله[/poem]