يالون الزعفران اللي سكن فيني فرات ونيل
ياريح الهيَل والنعناع..ياهيَلي ونعناعي
يامحمود السجايا..يابَطَل مسراي.. ليلَك ليل
سريت إبـ خافقي..واقفيت بي كلّي وانا واعي
أنا! جيت إلْك كلّي مندفع يافاتني بالحيل
إخذني لاعدمتك..يامبعثر خامد اوجاعي
فزع لك نبض قلبي..(كنّه التسبيح والتهليل)
وكنّه قال ميَدك!.. سَمّ..لك بالقلب مرباعي
يقول:إقلط هنا..لالا هنا..لالا هنا..وتسيل
شرايين الغلا.. من شوقها..وتطق الاصباعي
تضخّ وتحتفل لهفه..ويكثر رقصها..وتميل
لعينك..كلّ شريانٍ بشوقه! جاك فَزّاعي
|