منتديات المرقاب الأدبية - عرض مشاركة واحدة

28-02-2008, 04:37 PM

من أول كنت [ انا لك يا بريق الماس ]
قبل لا اميّز انّك تعشق التغيير
عقب ماهب من برد الغدر نسناس
من اغصان الغلا والشوق طار الطير
لو انّي في عيونك غير كلّ الناس
شعرت انّي بعينك وبضميرك غير
دموعك ردها لعيونك النعّاس
ترى ماعاد لدموعك علي ، تأثير
عطيتك كل حاجه وانت باسك باس
تحب اتخون لكن ما تحب اتغير
تعبت اجبر مشاعر قلبي الحسّاس
وتعبت ادلّلك خوفاً من التقصير
جلست اشوف لأسباب الخيانه ساس
بأبرّر لك ولا وافق معي تبرير
تقول تحسّ ..! والله ما معاك احساس
حقيقه بس سامحني على التأخير
بعد ما صاب قلبي من غرامك ياس
لزوم اسوق رجلي واذكرك بالخير

ناصر مناحي

صح لسانك مدد ما هو عدد
أبدعت و أجدت و أمتعت
تقبل تحيات واحد نفر من متابعينك

أخوك/محمـــد ال عبـــدان