[poem=font="Simplified Arabic,4,orange,bold,italic" bkcolor="transparent" bkimage="backgrounds/21.gif" border="groove,6,black" type=2 line=0 align=center use=sp num="0,black"]



سلام مني ياشيوخ الامارات=يوصل هل العليات من بيت الى بيت

سلام لامن مات راعيه مامات=يبقى مع الدنيا على الحي والميت

يكفخ جناحه من بعيد المسافات=شايل معه تقدير مرسل من كويت

مافيه لاشكه ولا فيه شكات=لاهل الوفا والعز في ليلي اضويت

شعب الوفا نعم الوفا والمروات=كلمة هلا واهلين لامنك مريت

امقدرين الضيف روحه وجيات=امعربين اجدود والنعم بديت

ترقا على العليا ليا جات صكات=احبهم حب من الله واحييت

مدحٍ جديدٍ والقوافي جديدات=انقي عذيب القاف لامن تعزويت

شاعر ولي بالشعر سجه وسجات=راهي ليا دنت هجوسي تراهيت

تاخذني هجوسي مع عذب الابيات=واخذ مع التفكير ساعه ولا ابطيت

حيت ياراس له المد جزلات=ترقص له هجوسٍ من الجن لاهديت

شعب نخصه واثني له التحيات=اهل الشرف شعب الامارات سميت

ابديت في شيخٍ له العز هامات=هذا سمو المجد والطيب وافديت

ريًس وعقله وافي بالمزايات=كلمته وحده ماعرف بس ياليت

هذا خليفه راعيٍ للطويلات=هذا سنام العز ماعنه صديت

له وقفةٍ تتعب قلوبٍ قويات= مني له التقدير والشكر ماحييت

ومحمد المكتوم وخذ الصراحات=يمناه وقت الضيق لصدق شديت

نايبه نعم الرجل في عز ضيقات=ادها من عقول البشر لاتبليت

وهذا ولي العهد للطيب عادات=شيخٍ كريمٍ وافيٍ لا تهقويت

محمد اللي ماخذ له شهادات= يشهد له التاريخ ان رحت ونجيت

تلقى سموه وافي بالعطيات=هذا الصحيح وكلمة الحق صفيت

وشيخ الوفا سلطان راع المسرات=نبع الوفا حلو النبا لا تحاكيت

في كلمتك هيبه وكل العبارات=نعم نعم سلطان كفيت ووفيت

وحمدان حي الشوف مره ومرات=عقله رزينٍ وباني الطيب كفيت

شيخٍ ليا اونست ونه وونات=حرٍ على العليا ليا منك ونيت

وهزاع شيخٍ وافي لصعيبات=يشتت الصعبات مليون تشتيت

انا اشهد انه وافيٍ بالمهمات=جزل العطا حب وفا فيه غنيت

وسعيد شيخٍ والوفا له بدايات=انا اشهد انك حر والحر عديت

مجدٍ مخالط له فخر معه طيبات=ارويت ضميانٍ وماعنه خليت

وعيسى ليا صكت عليك المجرات=تلقاه حرٍ غيره لا ماتمنيت

شيخٍ عريبٍ وافي ابكل الاوقات=تلقاه حرٍ وافي ابكل توقيت

وهذا نهيان الوفا والكرامات=شيخٍ قوي الباس ماعنه شطيت

وقت النقا سيف اللقا بالمضرات=تضرب على الكايد ليا منك انويت

وسيف الوفا حييت ماهي دعايات=الطيب لك عاده وكم قلب سليت

حيت ياشيخٍ فعلوله رفيعات=نعم نعم حرٍ على الطيب رفيت

وناصر نصير اللي همومه شقيات=يمناك ماتقصر ليا اوفيت واعطيت

شيخٍ ليا صكت علوم عسيرات=اوفا حقوقه ونثنا هم وثنيت

واحمد كفوفه وافياتٍ بمدات= احمد على العليات والله تربيت

شيخٍ يدور للملاقا ملاقات=ويعز ربعه لاشكى الوقت واشكيت

وطحنون له نظره وله كل نخوات=عز الرفيق اللي ليا منك انخيت

مني لك التقدير يامشتت اهات=والشكر لرحمن ياشيخ حيت

وهذا بعد منصور لاجات ماجات=تلقاه حرٍ قاطعٍ لطواغيت

شيخٍ كما برقٍ بروس الطويلات=تهوي كما يهوي من الرمح لاهويت

وهذا فلاح العز في كل حالات=شيخٍ يهد اجبال لابنيت وابقيت

راع الكرم والجود راع الثمينات=تفرح به الاشعارلاطريت وطريت

وحامد عريب الجد راع البطولات=حرٍ يقايش كاسرات السباريت

امكرم الضيفان ولاهي إشاعات=عندي من فعلوله دلايل وتثبيت

وذياب له بالطيب صوله وجولات=معروف والمعروف ماعنه عيت

يرقا وترقا فيه نخوه وعزات=من طيب جدانه ومنهم تقهويت


عمر عمر راع السيوف الشطيرات=يحميك رب البيت لطيب سويت

شيخ من شيوخ البلاد المسمات=ابو ظبي دار الوفا والمصاليت

وعبدالله امسوي فعولٍ كبيرات=انا اشهد انك للطويله ترقيت

شيخ الشباب وشايلٍ لرهيفات=شبًاب نار العز والطيب شبيت

وخالد رفيع الراس في كل مافات=ابن الوفا والطيب للعز عليت

تبني صروح المجد بيت وعمارات=منهو زهمك ابكلمتك ماترديت

اعيال عودٍ وافيٍ بالشهامات=زايد وحبه داخلي ماتناسيت

من زايد المرحوم فيكم علامات=حكام ابو ظبي لها العز والصيت

مرحوم ياشيخ سكن داخل الذات=يالله عسى زايد في جنتك حطيت

وخلاف ذا رحنا على دبي صولات=نعم نعم صولات ماتعبت واشقيت

ارسل لها التقدير ويا احترامات=ديرة بني مكتوم للحق ماخفيت

اشيوخها مثل العلم والمنارات=لعيونهم جريت مسحوب جريت

يحكم بها محمد رفيع المقامات=النادر اللي وافيٍ لا تباليت

هذا سمو العز وقت الثقيلات=يكفخ على العليا ليا منك اشكيت

وقت الغثا والضيق عنده سهالات=انا اشهد انك لصعايب تحديت

معروف ماتحتاج برهان وثبات=ودبي من فعلك لها اوفيت وكفيت

احييت فيها من سموًك بنايات=وصارت كما الدانه ومن حبك اهديت

اهديتها من كف يمناك باقات=ريح الوفا والطيب والعز شميت

من زارها لاشك رد الزيارات=صارت من افعالك وفي عهدك ارهيت

واهبك رب الكون رب السماوات=وابدعت في عهدك وبالله سميت

لاهنت يانسل الوفا والشكالات=حبك سكن فيني وماعنه لديت

امورث عيالك شموخِ وهيبات=والدين والتوحيد فقلوبهم بيت

اقولها وارفع من الحق رايات=ماهي غريبه منك للعز ربيت

وعندك ولي العهد وقت الملمات=اسوق له مني تحيه وخصيت

شاعر وشيخٍ فارسٍ للمغيرات=فزاع وقت الضيق لامن تشاكيت

ومن راشد الامجاد راع الجويدات=شيخٍ وهبه الله بالطيب واسقيت

اسقيته من كاس الزعامه سيادات=نعم الشيوخ اللي له العز دليت

ومكتوم عنوان الوفا للكبيرات=ارحب وفي طرياك لاشك فزيت

يرقا مواكير ليا جات غرات=ابن الشجاع اللي ليا احصيته ازريت

بالطيب والمعروف سوى سوايات=محمد المكتوم له صيت وواحيت

واحمد ليا سمعت من الناس صيحات=وقف وقال ابشر وانا عنك وصيت

اسرع من الميراج وقت الغصيبات=وقت الرخى لبيت والضيق لبيت

ونقلت لك مايد سمو السمينات=ترثة رجال الطيب للعزهليت

يعجبك لامن ميًل الوقت ميلات=خيال ابن خيال لرسن تليت

ومنصور يانبع القلوب الشريفات=سيف يقص ارقاب كل الطواغيت

تبري جروح اللي شكى فيه علات=تروي ظماه ولا تصد وتماديت

وسعيد ماضيًع هقاوي وهقوات=مافيه لا شكه ولا فيه ظنيت

حرٍ سليل العز للحر رفات=الطيب عمك وانت لطيب ضحيت

وهذا سلامه وافي لسلامات=شيخ عريب الجد لنعم رديت

بينه وبين الجود طيب وميانات=كفيت في جودك وللجود منهيت

اعيال ابن مكتوم نعم السلالات=هذا الصحيح وثبت المجد تثبيت

افعالهم بالطيب ماهي قليلات= ازريت اعددها وانا ازريت محصيت

والملحمه مني هديه ومهدات=لاهل الوفا والطيب سويت وهديت

اخذ مع الهاجوس سجه ورحلات=في عالم التفكير ماصبحت وامسيت

شاعر واقدًر كلمة الطيب بالذات=واهل الكرم والجود معهم تصافيت

يعجبني التقدير لا للملذات=واهل الردى والذل منهم تقاضيت

وابيات شعرٍ ماهي والله هزيلات=اطرق على المسحوب ميه وعديت

مبعد عن الزله ليا جات زلات=اومًر الجزلات لابديت وانهيت

والحمد لرحمن ميه وميات=والعز الرحمن مابقيت وافنيت

رب يفرق بين حسنه وسيات=استغفره صبح ومسا لا تعليت

وختامها مني سلام وتحيات=لاهل الوفا والطيب والعز والصيت[/poem]

sha3r11@hotmail.com

شاعر الملحمه السومريه

( 1000 بيت )