[align=center]السلام عليكم ورحمة الله وبركاته

مسّاكم / صبّحكم الله بالخير ..

تقبلوها متواضعه عسى ان تنال بعض الرضا من ذائقتكم [/align]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لي شهر جيش الحزن يجتاحني ركبه=فارقت دم العروق ونبض شرياني
حملت ذنب وانا مانيب مرتكبه=مجني علي وحكمت بتهمه الجاني
ياشين ظلم الحبيب ان صرت مغرم به=امر من طعم سم وطعنه سناني
واليوم كني سليت ورحت للشبه=روحة قشر ليتني ريحت ركباني
طرو علي اسمها ذي والله النكبه=من يوم لامس سموعي زلزل اركاني
اسم على اسم ولكن سبته سبه=جدد جروح بوسط الجوف واشقاني
عادي لبعض العرب لو كان ينطق به=لكن عليه خطر ويجدد احزاني
سوّيت كن الوضع عادي وكنت اشبه=من ماتوا عياله وفالبيت ضيفاني
كريم يخفي مصابه خوف يعرف به=ضيفه وصدره من الاحزان ملياني
الله يجبر عزاه ويخلفه ربه=ويجبر عزايه بعد في سيد خلاني
مامات لكن تنحّت به وقفّت به=عوج السنين وكلام فلان وفلاني
من جاب طاريه ربي لايبارك به=قلب علي المواجع لين بكاني
وضيّق عليه عسى الوالي يضيّق به=مشيت ماذقت انا فنجالي الثاني[/poem]


[align=center]دمتم بخير[/align]

...

تعبت
من بعض المشاعر و الاحساس
اوقات رايق
لكن
اوقات ضايق
ياليت لي قلبٍ مثل بعض هالناس
حزنه
على بعض السوالف
دقايق