منتديات المرقاب الأدبية - عرض مشاركة واحدة

12-03-2008, 07:33 PM

البارحه عدت ولاهـي تساهيـل
اعطتني المقسوم ضيـق وندامـه
الليـل ماكنّـه سكـون وتعاليـل
ماشفت من مدلولـه الا ظلامـه
اتخيـل نجومـه دلال وفناجـيـل
تسكب لضيف الضيق هم وعسامه
اقلـب الآفكـار واحـط واشيـل
والوم نفـسٍ ماتطيـق الملامـه
مثّلت حال اهل العنا خيـر تمثيـل
وجسّدت فقدان الهنـا وانعدامـه
يعني على ماقيل من باب تفصيـل
قاعي قهر والغم فوقـي غمامـه
والحزن لو يسكن صدور الرجاجيل
ماحطـم آمـالٍ ولا حـط هامـه
مايثّـر الا فـي حيـاة المهابيـل
والطيب يفرق بين خامه وخامـه
ان جاد لي كف الزمن بالبهاذيـل
دمعي شحيح ولا له الا ابتسامـه
ولي ان بلتني في حياتي غرابيـل
كرامةٍ تحمـي حـدود الكرامـه
لكنّ ابصبر والصبر حسْب ماقيـل
مفتاح بيبـان الفـرج والسلامـه
مانيب مغرق بالدمـوع المناديـل
ولانيب قايـل (ياحيـاة الندامـه)

صح لسانك يا فالح
دره و العالم الله إنها جازت لي
لا هنت
لا هنت

أخوك/محمـــد ال عبـــدان