[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
ليا طاب حظ الرجل للعليا نهض=وليا تدنا الحظ للقاع إخفضه
يالله لاتردي لنا يالله حظ = سوات جيلٍ مرتدٍ حظ إبعضه
جيل النعومه والترف مازال غض=ويحتاج له ناصح وعلم ينهضه
ماني مسمي لا معيض ولا عوض=احب ذكر الطيب والعيب أرفضه
من لا حفظ دينه وعرضه وش حفظ= للدين بعد الله رجال تحفضه
جيل الشهامه والكرامه ما انقرض=اللي حفظ عهد الوفاء ما ينقضه
وأنا ما اعم الجيل لكن البعض = مريض يتبع جاهل زاد مرضه
وليا لقيته رجل سوء وخلق فض=تجنبه والله يعوضك بعوضه
قم بالفروض اللي لها الخالق فرض= وسنة محمد من تركها نبغضه[/poem]