عسى ان ترتقي الى ذوائقكم , من باب تسجيل الحضور


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من حق نفسي على عيني تكف الدموع = ومن حق عيني على نفسي تقوم احترام
للدمع .. في رغبة اصراره على انه يفوع = ويخاطب الذكريات .. ويعلن الانهزام
ومن حق شعري يراود مبهمات الضلوع = عن كل مايشغل الخاطر .. لوانه كلام
ثلاثة اشهر وانا اشعر في عروقي خضوع = يجري مع الدم من تحت اللحم والعظام
اعاني الفقد .. واتخيّل حنين الرجوع = وتمر في بالي الراحه مرور الكرام
اولّع من الامل شمعه .. واطفيّ شموع = وكم غصن زيتون شلت .. وكم حمامة سلام
ارسلتها عقد للهدنه .. وتسكين روع = وعادت لي بكل مايوحي بألد الخصام
عن ليلة السبت حدثني نهار الربوع = وعن سيد الحب شهّدت الهوى والغرام
يالمترف اللي سكن خصرك من الجوع جوع = يالفارع اللي تغطى في عيوني ونام
اللي عليك استلذ النزف من كل نوع = اللي على القرب من غيرك فرضت الصيام
اخترت منفاي في قلبك وسقت الفزوع = كل المشاعر على بابك لها حول عام
واخترت الاحساس بالخوف .. وحضنت الدروع = قبل الثقه وانت في هذي عداك الملام
مادمت بجنون احبك في نزول وطلوع = يحق لك تصنع الحاجز بحزم .. ونظام
ولاهوب من حقك اقبل مافرضته بطوع = وتقودني في طريقك بالرسن والخطام
ان ماجعلت الطمأنينه تزيدك خشوع = لاتبتأس واترك الواقع يميط اللثام
الشجره اللي ورقها مايظل الفروع = لوطالت اغصانها ماتستحق اهتمام[/poem]